John Disley

Athletwr o Gymru oedd John Ivor Disley (20 Tachwedd 1928 – 8 Chwefror 2016). Cystadlodd yn bennaf yn y ras ffos a pherth 3000m cyn cyd-sefydlu Marathon Llundain a dod yn weithgar yn hyrwyddo a rheoli chwaraeon. Ganwyd ym mhentre Corris yng Ngwynedd ac aeth i Ysgol Uwchradd Croesoswallt i Fechgyn cyn astudio yng Ngholeg Loughborough.

John Disley
Ganwyd	20 Tachwedd 1928  Gwynedd
Bu farw	8 Chwefror 2016  Llundain
Dinasyddiaeth	Cymru
Galwedigaeth	cystadleuydd yn y Gemau Olympaidd, cyfeiriannydd
Taldra	180 centimetr
Pwysau	71 cilogram
Priod	Sylvia Cheeseman
Gwobr/au	CBE
Chwaraeon
Safle	rasys ffos a pherth
Gwlad chwaraeon	Cymru, y Deyrnas Unedig

Cystadlodd dros Brydain Fawr yng Ngemau Olympaidd Haf 1952, Helsinki yn y ras ffos a pherth 3000 metr lle enillodd fedal efydd. Sefydlodd bum record Brydeinig yn y ras ffos a pherth a phedwar yn y ras dwy filltir. Sefydlodd record Gymreig mewn chwe pellter gwahanol. Torrodd y record ar gyfer croesi pob copa Cymreig dros 3000 troedfedd.

Cynrychiolodd Gymru ddwywaith yng Ngemau'r Gymanwlad, gan gystadlu yn 1954 a 1958, ond ni enillodd unrhyw fedalau. Swydd Disley oedd dysgu Addysg Gorfforol yn Ysgol Ramadeg Isleworth yn ne-orllewin Llundain.

Disley oedd un o sefydlwyr Marathon Llundain, a gynhaliwyd gyntaf yn 1981, ar ôl iddo redeg Marathon Dinas Efrog Newydd yn 1979 ac edmygu ei lwyddiant. Roedd yn llywydd Ymddiriedolaeth Elusennol Marathon Llundain. Daeth Disley yn is-gadeirydd Cyngor Chwaraeon y DU yn 1974, swydd a wnaeth hyd 1982. Roedd yn un o brif arloeswyr cyfeiriadu yn y DU.

Roedd yn aelod o Oriel Enwogion Chwaraeon Cymru ac yn Llywydd Cymdeithas Eryri.

Dolenni allanol

• John Disley Archifwyd 2007-09-29 yn y Peiriant Wayback

Gwobrau
Rhagflaenydd: Ken Jones	Personoliaeth Chwaraeon Cymreig y Flwyddyn BBC Cymru 1955	Olynydd: Joe Erskine