Llanffinan
Plwyf eglwysig bychan ar Ynys Môn yw Llanffinan. Fe'i lleolir yn rhan uchaf dyffryn afon Cefni yn ne'r ynys, rhai milltiroedd i'r dwyrain o dref Llangefni. Heddiw mae'r plwyf yn rhan o Fywoliaeth Llanfihangel Ysgeifiog, Llanffinan, Llangristiolus a Llangaffo yn Esgobaeth Bangor.[1]
 | |
| Math | anheddiad dynol  |
|---|---|
| Daearyddiaeth | |
| Sir | Ynys Môn |
| Gwlad |  Cymru |
Yn yr Oesoedd Canol bu'n rhan o gwmwd Menai, cantref Rhosyr. Enwir y plwyf ar ôl Sant Ffinan.[2]
Hirdre-faig (enw ffermdy heddiw) oedd y brif ganolfan; yn y dreflan honno roedd yr eglwys. Cofnodir mai Diacon Bangor oedd piau rheithoriaeth Llanffinan, gyda Llanfihangel Ysgeifiog, yn 1535.[3]
Mae Eglwys Sant Ffinan yn dal ar agor a chynhelir gwasanaethau yno ar y Sul.[1]
Cyfeiriadau
golygu- ↑ 1.0 1.1 Eglwys Sant Ffinan[dolen farw]
- ↑ Melville Richards, 'Enwau lleoedd', Atlas Môn.
- ↑ A. D. Carr, Medieval Anglesey (Llangefni, 1982), tud. 276.
Dolenni allanol
golygu- Eglwys Sant Ffinan[dolen farw] ar wefan Yr Eglwys yng Nghymru.
