Llansanffraid Gwynllŵg

Pentrefan yng nghymuned Gwynllŵg, Casnewydd, Cymru, yw Llansanffraid Gwynllŵg (Saesneg: St Brides Wentloog neu St Brides Wentlooge). Saif i'r de-orllewin i ddinas Casnewydd.

Llansanffraid Gwynllŵg

Math	pentrefan
Daearyddiaeth
Sir	Casnewydd
Gwlad	Cymru
Cyfesurynnau	51.5343°N 3.0207°W
Gwleidyddiaeth
AC/au	Jayne Bryant (Llafur)
AS/au	Ruth Jones (Llafur)
Ffeiliau perthnasol ar Comin

Lleoliad

Mae'n gorwedd ym mhlwyf Gwynllŵg ac ardal etholiadol (ward) Marshfield. Fel y rhan fwyaf o'r aneddiadau ar Lefel Gwynllŵg mae'n gorwedd ar dir y tu ôl i wal y môr a adferwyd o Fôr Hafren.

Hanes

Nawddsant pentref ac eglwys Llansanffraid Gwynllŵg yw'r Santes Ffraid.

Mae eglwys St Ffraid yn adeilad hynafol o garreg yn yr arddulliau Addurnedig a Pherpendicwlar, ac mae'n cynnwys cangell, corff, porth deheuol a thŵr gorllewinol perpendicwlar anferthol sy'n cynnwys 6 chloch, pedwar ohonynt wedi eu harysgrifio gyda'r dyddiad 1734. Mae plac y tu mewn i'r porth yn nodi lefel llanw uchel lifogydd Môr Hafren 1607.

Llansanffraid Gwynllŵg oedd lle geni Lyn Harding (1867-1952), actor llwyfan, ffilm, a radio.

Cyfeiriadau

Trefi a phentrefi Bwrdeistref Sirol Casnewydd

Dinas
Casnewydd
Pentrefi
Allteuryn  · Basaleg  · Caerllion  · Langstone  · Llanfaches  · Llanfihangel-y-fedw  · Llansanffraid Gwynllŵg  · Llan-wern  · Pen-hŵ  · Y Redwig  · Trefesgob  · Trefonnen  · Tŷ-du