Perfedd (cwmwd)
cwmwd canoloesol yng ngogledd Teyrnas Ceredigion
Cwmwd canoloesol yng ngogledd Teyrnas Ceredigion oedd Cwmwd Perfedd. Roedd yn gorwedd yng nghantref Penweddig.
 | |
| Math | cwmwd  |
|---|---|
| Daearyddiaeth | |
| Rhan o'r canlynol | Penweddig |
| Gwlad |  Cymru |
| Yn ffinio gyda | Genau'r Glyn |
| Cyfesurynnau | 52.414°N 4.081°W |
 | |
- Erthygl am y cwmwd yw hon. Gweler hefyd Perfedd.
Ffiniai'r cwmwd â chymydau Genau'r Glyn i'r gogledd, gydag afon Clarach yn dynodi'r ffin, a'r Creuddyn i'r de, gan ffurfio canol (perfedd) cantref Penweddig. I'r dwyrain ffiniai â chantrefi Cyfeiliog ac Arwystli yn Nheyrnas Powys gyda bryniau Elenydd yn dynodi'r ffin. Wynebai ar Fae Ceredigion i'r gorllewin.
Prif ganolfan y cwmwd oedd Aberystwyth, a dyfodd yn ymyl hen ganolfan eglwysig Llanbadarn Fawr. Roedd yn cynnwys yn ogystal bryngaer hynafol Pen Dinas, ar yr arfordir ger Aberystwyth.