Richard Jones (AS Sir Gaerfyrddin 1555)
Roedd Richard Jones (tua 1534 - tua 1577) yn fonheddwr o Gymru a wasanaethodd fel Aelod Seneddol Sir Gaerfyrddin[1]
| Richard Jones | |
|---|---|
| Ganwyd | 1534  |
| Galwedigaeth | gwleidydd |
| Swydd | Aelod Seneddol yn Senedd Lloegr, Member of the 1555 Parliament, Member of the 1559 Parliament |
Ganwyd Jones tua 1532 yn fab hynaf Syr Thomas Jones, Abermarlais a'i ail wraig, Mary, merch James Berkley, Thornbury, Caerloyw. Gwasanaethodd ei dad, ei frawd, Henry Jones, a'i hanner frawd, John Perrot, fel Aelodau Seneddol Sir Gaerfyrddin hefyd.
Ym 1559 priododd Elizabeth, merch ac etifedd Gruffydd Llwyd ap Gruffydd o Gwmgwili, bu iddynt un mab a dwy ferch; wedi ei marwolaeth hi priododd Marged, merch Rhys ap Gwilym ap Tomos Goch, bu iddynt un mab.
Yn wahanol i'w dad, ei frawd a'i hanner frawd ni fu Richard yn ŵr cyhoeddus amlwg; gwasanaethodd fel Aelod Seneddol Sir Gaerfyrddin ym 1555 ac ym 1559[2] ac fel Siedwr Sir Gaerfyrddin o 1559 i 1561.
Mae Richard Jones yn cael ei grybwyll yn llyfr John Foxe, Actes and Monuments fel un a fu'n ymweld â Robert Ferrar, Esgob Tŷ Ddewi yng ngharchar Caerfyrddin cyn ei ddienyddio ar y stanc, sy'n awgrymu ei fod yn Brotestant triw yng nghyfnod Mari Waedlyd, er ddim digon triw i'w dynnu i sylw'r awdurdodau.
Cyfeiriadau
golygu- ↑ JONES, Richard (?1534-77 or later), of Cwmgwili, Carm. The History of Parliament: the House of Commons 1509-1558, adalwyd 16 Mehefin 2016
- ↑ W R Williams The Parliamentary History of the Principality of Wales adalwyd 16 Mehefin 2016
| Senedd Lloegr | ||
|---|---|---|
| Rhagflaenydd: Henry Jones |
Aelod Seneddol Sir Gaerfyrddin 1555 – 1558 |
Olynydd: Thomas Jones |
| Rhagflaenydd: Thomas Jones |
Aelod Seneddol Sir Gaerfyrddin 1559 – 1563 |
Olynydd: Henry Jones |
