Ugo Savarese

Bariton operatig o'r Eidal oedd Ugo Savarese (2 Rhagfyr 1912 - 19 Rhagfyr 1997), a oedd yn cael ei gysylltu yn arbennig gyda repertoire'r Eidal.

Ugo Savarese
Ganwyd	2 Rhagfyr 1912  Napoli
Bu farw	19 Rhagfyr 1997  Genova
Dinasyddiaeth	Yr Eidal
Galwedigaeth	canwr opera
Math o lais	bariton

Dechreuodd Savarese ei astudiaethau lleisiol ym 1930 yn y "Conservatorio San Pietro a Majella" yn Napoli gyda Maestro Conte. Gwnaeth ei début lwyfan cyntaf ym 1934, yn y Teatro San Carlo yn Napoli, gan ganu rolau bach. Canodd ei rôl fawr gyntaf, Silvio yn Pagliacci gan Ruggero Leoncavallo yno ym 1938, ac yna rôl teitl Rigoletto a Germont yn La traviata.

Fel y rhan fwyaf o gantorion ei genhedlaeth, amharwyd ar ei yrfa gan wasanaeth milwrol. Ailddechreuodd ei yrfa ar ôl bod yn garcharor mewn Gwersyll Rhyfel yn yr Almaen, gan ymddangos yn Dachau. O hynny ymlaen, aeth ei yrfa yn ei flaen yn gyson, gydag ymddangosiadau gwadd yn yr Opéra-Comique a'r Palais Garnier ym Mharis, y Teatro Nacional Sao Carlos yn Lisbon, y Liceu yn Barcelona, a'r Teatro Real ym Madrid. Bu hefyd yn ymddangos yn Llundain, Monte Carlo, Zurich, Brwsel, Leningrad (St Petersburg, bellach ) ac ati, lle cafodd ei werthfawrogi'n arbennig yn rolau Verdi.

Canodd y rhan fwyaf o rolau bariton repertoire'r Eidal mewn opera fel; Macbeth, Il trovatore, Un ballo in maschera, Aida, La Gioconda, Fedora, Tosca, ac ati.

Ni chyrhaeddodd Savarese lefel enwogrwydd rhai o'i gyfoeswyr megis Tito Gobbi, Giuseppe Valdengo a Gino Bechi, ond mae ei recordiadau lu yn arddangos llais a addysgwyd yn dda a pherfformiwr cadarn, fel yn Il trovatore ac Andrea Chénier gyferbyn Renata Tebaldi, La traviata gyferbyn Maria Callas a La fanciulla del West gyferbyn Carla Gavazzi.

Canodd tan ddechrau'r 1970au, a bu'n dysgu o 1974 i 1996.