Uned 5

Rhaglen gylchgrawn hirhoedlog ar S4C oedd Uned 5. Dechreuodd y rhaglen mis Chwefror 1994 a denodd nifer fawr o wylwyr ifanc i'r sianel.

Data cyffredinol
Enghraifft o'r canlynol	cyfres deledu
Dechreuwyd	17 Chwefror 1994
Daeth i ben	30 Mai 2010
Genre	cyfres deledu i blant

Y cyflwynwyr gwreiddiol: Gaynor Davies,Garmon Emyr a Nia Dafydd

Cafodd y rhaglen ei ffilmio yn Stiwdio Barcud Derwen ar Stad Cibyn, Caernarfon. Roedd y stiwdio yn arfer bod ar ffurf "tŷ". Ond, wrth i'r gyfres ddechrau apelio at gynulleidfa ychydig yn hŷn, daeth y fformat tŷ i ben. Yn y blynyddoedd cyntaf, roedd trefn y gyfres yn debyg iawn i'r rhaglen Saesneg Blue Peter, ond yn fwy diweddar anelwyd y rhaglen yn fwy at gynulleidfa o bobl ifanc yn eu harddegau. Cwmmni Dime Goch, oedd yn rhan o gwmni teledu Antena oedd yn cynhyrchu'r rhaglen.

Roedd y rhaglen yn cynnwys golwg ar y cyfryngau a'r ffilmiau diweddaraf, edrych ymlaen at bêl-droed y penwythnos, sgwrs gyda gwestai arbennig, slot ffasiwn, bandiau'n chwarae'n fyw a nifer o eitemau eraill.

Daeth Uned 5 i ben ar ddydd Sul Mai 30, 2010.

Cyflwynwyr

• Elliw Baines
• Heledd Cynwal
• Nia Dafydd
• Gaynor Davies
• Nia Elin
• Tudur Evans
• Lisa Gwilym
• Ywain Gwynedd
• Gwenno Haf
• Leni Hatcher
• Carwyn Jones

• Gethin Jones
• Garmon Emyr
• Mari Lövgreen
• Llinos Lee
• Gwawr Loader
• Catrin Mai
• Lowri Morgan
• Gareth Owen
• Rhodri Owen
• Rhydian Bowen Phillips
• Bedwyr Rees

Dolenni allanol

• Gwefan swyddogol Archifwyd 2017-06-23 yn y Peiriant Wayback.

Eginyn erthygl sydd uchod am Gymru. Gallwch helpu Wicipedia drwy ychwanegu ato.