Upavistha Konasana (Eistedd ar Led)
Asana Indiaidd a ddefnyddir mewn ioga yw Upaviṣṭa Koṇāsana (Sansgrit उपविष्टकोणासन), neu Upavistha Konasana neu "Eistedd ar Led[1][2], sydd fel mae'r gair yn ei awgrymu yn asana eistedd mewn
 | |
| Math o gyfrwng | asana  |
|---|---|
| Math | asanas eistedd |
 Ffeiliau perthnasol ar Gomin Wicimedia | |
Yn y safle hwn mae'r iogi yn eistedd i fyny gyda'r coesau mor agored ag y bo modd a'r torso'n pwyso ymlaen.[3]
Geirdarddiad
golyguDaw enw'r asana (neu ystym, osgo) o'r Sansgrit उपविष्ट (upaviṣṭa) sy'n golygu "agored", कोण (koṇa) sy'n golygu "ongl", ac आस (āsana), sy'n golygu "osgo neu siap (y corff)".[3]
Nid yw'r osgo arbennig yma i'w gael mewn ioga hatha canoloesol, ond fe'i disgrifir yn y clasur Light on Yoga 1966.[4] Fe'i disgrifir yn annibynnol o dan enw gwahanol, Hastapadasana (Saesneg gwreiddiol: "Hand-to-Foot Pose") yn y Llyfr Ioga Cyflawn Darluniadol (1960) mae Swami Vishnudevananda, yn awgrymu tarddiad hŷn na'r 20g.[5]
Disgrifiad
golygu
Gellir mynd i mewn i'r asana yma o dandasana (Y Ffon) trwy i'r coesau bellau oddi wrth ei gilydd, cymaint ag y gellir. Yna gellir gafael ym modiau'r traed gyda'r dwylo, neu gyda gwregys (neu strap) o amgylch pob troed, fel cymorth. Mae'r cefn yn fwaog ysgafn, trwy godi cwtyn y cynffon (y cocsycs), ac mae'r corff yn gogwyddo ymlaen.[2][3][4][6] Yn yr asana gorffenedig, mae'r corff yn pwyso ymlaen nes bod yr ên a'r trwyn yn cyffwrdd â'r ddaear.[3] Gall pobl na allant eistedd ar y llawr mewn dandasana eistedd ar flanced wedi'i phlygu ar gyfer yr ystum.[1]
Amrywiadau
golyguMae Parsva Upavistha Konasana, yn amrywiad ochr, gyda'r corff yn wynebu un goes, a'r dwylo ill dau yn gafael ar droed y goes honno, heb godi'r glun gyferbyn.[7]
Mae Urdhva Upavistha Konasana, yn debyg i Ubhaya Padangusthasana ond gyda'r coesau ar led. Mae'r bys a bawd yn gafael ym modiau'r traed, y coesau'n llydan agored, yn gwbwl syth, ac wedi'u codi i uchder y pen; mae'r corff yn gwyro'n ôl ychydig i gydbwyso. Gellir ymarfer yr osgo gyda strap neu wregys, o amgylch pob troed os na ellir sythu'r coesau'n llawn yn y safle; gellir hefyd osod blanced wedi'i rowlio y tu ôl i'r pen-ôl i gynorthwyo gyda chydbwyso.[8]
Gweler hefyd
golyguLlyfryddiaeth
golygu- Iyengar, B. K. S. (1979). Light on Yoga. Unwin Paperbacks.
- Lidell, Lucy; The Sivananda Yoga Centre (1983). The book of yoga. Ebury. ISBN 978-0-85223-297-2. OCLC 12457963.
- Mehta, Silva; Mehta, Mira; Mehta, Shyam (1990). Yoga: The Iyengar Way. Dorling Kindersley.CS1 maint: multiple names: authors list (link)
- Murugan, Chillayah (20 Hydref 2012). "Yoga Asanas for Health and Fitness". Silambam. Archifwyd o'r gwreiddiol ar 3 Hydref 2015. Cyrchwyd 31 Mai 2013.
- Swami Satyananda Saraswati (1996). Asana Pranayama Mudra Bandha (PDF). Yoga Publications Trust. ISBN 978-81-86336-14-4.
Cyfeiriadau
golygu- ↑ 1.0 1.1 Rosen, Richard (28 Awst 2007). "Wide-Angle Seated Forward Bend". Yoga Journal. Cyrchwyd 18 Tachwedd 2018.
- ↑ 2.0 2.1 "Wide-Angle Seated Forward Bend - Upavishta Konasana". Ekhart Yoga. 2018. Cyrchwyd 19 Tachwedd 2018.
- ↑ 3.0 3.1 3.2 3.3 Mehta, 1990 p. 65
- ↑ 4.0 4.1 Iyengar, 1979, pp. 163–165
- ↑ Sjoman, Norman E. (1999) [1996]. The Yoga Tradition of the Mysore Palace (arg. 2nd). Abhinav Publications. t. 88. ISBN 81-7017-389-2.
- ↑ Botur, Amanda. "Wide-Angle Seated Forward Bend • Upavistha Konasana". Yoga Today. Archifwyd o'r gwreiddiol ar 2018-11-19. Cyrchwyd 19 Tachwedd 2018.
- ↑ "Parsva Upavistha Konasana (Side Seated Wide Angle Pose)". Yoga Vastu. Cyrchwyd 25 Mehefin 2021.
- ↑ "Upward Facing Wide-Angle Seated Pose - Urdhva Upavistha Konasana". Ekhart Yoga. Cyrchwyd 25 Mehefin 2021.