Ysgol Gelf a Dylunio Caerdydd
Ysgol Gelf a Dylunio Caerdydd (Saesneg: Cardiff School of Art and Design) yw'r prif goleg celf yng Nghaerdydd. Mae'n rhan o Brifysgol Metropolitan Caerdydd ers 2011 ac fe'i lleolir ar gampws Llandaf.[1]
 | |
| Math | prifysgol, ysgol gelf, design school  |
|---|---|
| Sefydlwyd |
|
| Daearyddiaeth | |
| Sir | Caerdydd |
| Gwlad |  Cymru |
| Cyfesurynnau | 51.496486°N 3.212691°W |
| Cod post | CF5 2YB |
 | |
Hanes
golyguSefydlwyd yr ysgol yn 1865 dan yr enw Cardiff School of Science & Art, wedyn Cardiff Technical College (1916 - 1949) ac ar ôl 1949, Cardiff College of Art, gyda'r gwersi'n digwydd o fewn Llyfrgell Rhydd Caerdydd[1]
Adeildwyd adeilad chwe llawr newydd ym 1965, yn Howard Gardens, i'r dwyrain o ganol y ddinas, adeilad a gynlluniwyd gan bensaer y ddinas, John Dryburgh.[2]
Ym 1976 daeth y coleg yn rhan o Athrofa Addysg Uwch De Morgannwg. Newidwyd yr enw i Athrofa Addysg Uwch Caerdydd ym 1988 a daeth y coleg celf yn rhan o Athrofa Prifysgol Cymru, Caerdydd ym 1996. Ail-enwyd y brifysgol yn Brifysgol Fetropolitan Caerdydd yn 2011.[1]
Rhoddodd y brifysgol y safle Howard Gardens ar werth yn Nhachwedd 2013, gan fynd ati i ddylunio cynlluniau ar gyfer adeilad newydd sbon ar gampws newydd yn Llandaf. Ar y pryd, roedd gan y coleg celf 1,200 o fyfyrwyr a 70 o staff.[3]
Yn 2014 gorffenwyd adeilad newydd £10 miliwn ar gampws Rhodfa'r Gorllewin, Llandaf, gan benseiri Austin-Smith:Lord. Yn 2015 enillodd yr adeilad wobr rhanbarthol Sefydliad Brenhinol Penseiri Prydain.[4]
Cyn-fyfyrwyr o nod
golygu- Joan Baker
- Iwan Bala, peintiwr
- Brendan Burns
- Charles Byrd
- Glenys Cour
- Ruth Jên Evans, printiwr
- Harry Greene
- Hywel Harries
- Angharad Pearce Jones
- Mary Lloyd Jones
- Osi Rhys Osmond
- Sue Williams, peintiwr
Cyfeiriadau
golygu- ↑ 1.0 1.1 1.2 (Saesneg) Our History. Adalwyd ar 7 Awst 2024.
- ↑ Newman, John (2001). The Buildings of Wales: Glamorgan. Penguin Books, tud. 306. ISBN 0-14-071056-6. URL
- ↑ (Saesneg) Barry, Sion (7 Tachwedd 2014). Cardiff Metropolitan University puts Howard Gardens site up for sale. Wales Online. Adalwyd ar 8 Awst 2024.
- ↑ (Saesneg) Cardiff School of Art and Design, Western Avenue, Cardiff. RIBA Journal (30 April 2015). Adalwyd ar 17 Awst 2024.