Aran Benllyn

Aran Benllyn
Math	mynydd, copa
	LL-Q9309 (cym)-Alun a Bethan (Jason.nlw)-Aran Benllyn (Q4784047).wav
Daearyddiaeth
Gwlad	Cymru
Uwch y môr	885 metr
Cyfesurynnau	52.80406°N 3.68182°W
Cod OS	SH8672324273
Manylion
Amlygrwydd	50 metr
Rhiant gopa	Aran Fawddwy
Cadwyn fynydd	Eryri
	Ffeiliau perthnasol ar Comin
	[golygwch ar Wicidata]

Mynydd ym Mharc Cenedlaethol Eryri yng Ngwynedd yw Aran Benllyn.

Uchder

Saif ychydig i'r gogledd o Aran Fawddwy, sydd ychydig yn uwch, 905 medr o uchder, ac i'r de o bentref Llanuwchllyn. Aran Fawddwy yw'r copa mwyaf gogleddol ar y grib sy'n rhedeg tua'r de-orllewin o gyffiniau Llanuwchllyn tua Dolgellau, sydd hefyd yn cynnwys Aran Fawddwy ac yna'n parhau tua'r gorllewin fel Cadair Idris, gyda Bwlch Oerddrws yn gorwedd rhwng dwy ran y gadwyn; cyfeiriad grid SH867243. Uchder cymharol, neu ”amlygrwydd” y copa, ydy 835metr: dyma'r uchder mae'r copa'n codi uwchlaw'r mynydd agosaf.

Dosberthir copaon Cymru, a gweddill gwledydd Prydain, yn rhestri arbennig yn ôl uchder ac yn ôl amlygrwydd y copa; mae'r copa hwn yn cael ei alw'n Hewitt a Nuttall. Mae sawl cymdeithas yn mesur, gwiro a chasglu'r rhestri hyn a dônt ynghŷd ar wefan “Database of British and Irish hills”.^[1] Uchder y copa o lefel y môr ydy 885m (2904tr). Cafodd yr uchder ei fesur a'i gadarnhau ddiwethaf ar 28 Mawrth 2010.

Llwybrau

Gellir ei ddringo ar hyd llwybr sy'n dechrau gerllaw Llanuwchllyn. Ar un adeg bu cryn ddadlau ynglŷn â mynediad yn yr ardal yma, ond erbyn hyn cytunwyd ar lwybr, er nad yw'n llwybr cyhoeddus yn swyddogol. Caiff ei enw oherwydd nad yw ymhell o ben Llyn Tegid, yn ardal Penllyn.

Chwedlau

Cysylltir Rhita Gawr a'r mynydd. Mewn traethawd ar gewri Cymru gan Siôn Dafydd Rhys a ysgrifennodd ar ddiwedd yr 16g, dywedir i Rhita gael ei gladdu ar ben Aran Benllyn ar ôl cael ei ladd gan Arthur.

Gweler hefyd

Cyfeiriadau

↑ “Database of British and Irish hills”

Dolenni allanol

Clwb Mynydda Cymru
Lleoliad ar wefan Streetmap Archifwyd 2011-05-24 yn y Peiriant Wayback
Lleoliad ar wefan Get-a-map Archifwyd 2011-05-24 yn y Peiriant Wayback

[1] “Database of British and Irish hills”

[1]