Ashok Ahir

Cyfathrebwr, newyddiadurwr a golygydd

Newyddiadurwr, cynhyrchydd rhaglenni a chyfathrebwr yw Ashok Ahir (ganwyd Awst 1969).

Ashok Ahir
GanwydAshok Kumar Ahir Edit this on Wikidata
Awst 1969 Edit this on Wikidata
Wolverhampton Edit this on Wikidata
Dinasyddiaethy Deyrnas Unedig Edit this on Wikidata
Alma mater
Galwedigaethnewyddiadurwr, communicator Edit this on Wikidata
Cyflogwr

Bywgraffiad golygu

Fe'i magwyd yn Wolverhampton ac iaith ei aelwyd yno oedd Punjabi. Dysgodd Gymraeg yn 2005 ac roedd yn un o'r pedwar a gyrhaeddodd rownd derfynol Dysgwr y Flwyddyn 2012.[1] Graddiodd o Brifysgol Caerdydd yn 1992 gyda gradd mewn Peirianneg a gwnaeth ddiploma ôl-raddedig mewn Newyddiaduraeth Ddarlledu ym Mhrifysgol Westminster, Llundain.

Mae'n ystyried ei hun yn Gymro mabwysiedig ac yn cefnogi timau rygbi a phêl-droed Cymru.

Gyrfa golygu

Rhwng 1994 a 1998 bu'n ohebydd a chynhyrchydd ar BBC Wales Today a BBC Radio Wales.[2] Symudodd i Lundain a gweithio ar prif raglenni newyddion y BBC, yn cynnwys Six O'Clock News, Today a Newsnight. Yn 2002 symudodd nôl i Gaerdydd i fod yn Bennaeth Gwleidyddol yn BBC Cymru. Bu'n gweithio am ddegawd ar raglenni gwleidyddol BBC Cymru a gwleidyddiaeth Cymreig ar draws y BBC.[3]

Yn Hydref 2016, fe'i benodwyd yn Gadeirydd Eisteddfod Genedlaethol Cymru Caerdydd 2018.[1]

Rhwng 2012 a 2018 roedd yn gyfarwyddwr gyda chwmni cyfathrebu mela. Yng Ngorffennaf 2018 daeth yn Gyfarwyddwr Cyfathrebu gyda Swyddfa Cymru, yn gweithio i Ysgrifennydd Gwladol Cymru.

Mae hefyd yn llywodraethwr Ysgol Treganna, aelod o fwrdd Chwaraeon Cymru ac aelod Pwyllgor Cymreig y Cyngor Prydeinig.

Cyfeiriadau golygu

  1. 1.0 1.1 Penodi cadeirydd pwyllgor gwaith Eisteddfod Caerdydd 2018 , BBC Cymru Fyw, 13 Hydref 2016. Cyrchwyd ar 3 Awst 2018.
  2.  LinkedIn - Ashok Ahir. Ashok Ahir.
  3. (Saesneg) Ashok Ahir. Mela. Adalwyd ar 3 Awst 2018.

Dolenni allanol golygu