Clive Roberts
Actor o Gymro oedd Clive Roberts (1944 – 24 Rhagfyr 2020).
| Clive Roberts | |
|---|---|
| Ganwyd | 1944  |
| Bu farw | 24 Rhagfyr 2020 Ysbyty Gwynedd |
| Dinasyddiaeth |  Cymru |
| Galwedigaeth | actor teledu |
Gyrfa golygu
Roedd fwyaf enwog am ei ran yn y gyfres gomedi boblogaidd, Fo a Fe a ddarlledwyd yng nghanol yr 1970au. Chwaraeau rhan George, mab Ephraim Hughes (Guto Roberts) y cyn-weinidog eisteddfodol a chapelog. Yn y gyfres roedd yn ŵr i Diana, Gaynor Morgan Rees.
Ymysg ei rannau eraill oedd Cliff James ar gyfres Pobol y Cwm rhwng 1974-1979 a Bili, 'conshi' yng nghynhyrchiad BBC Un Dau Tri (1972)[1]. Roedd hefyd yn rhan o gwmni Theatr yr Ymylon ac am gyfnod yn y 1980au bu'n ddarlithydd drama ym Mhrifysgol Bangor.[2]
Achos llofruddiaeth golygu
Syfrdanwyd Cymru yn 1989 wedi iddo lofruddio ei gariad, yr actores Elinor Wyn Roberts (3 Mehefin 1954 – 5 Mawrth 1989)[3], yn ei chartre' yn Y Felinheli. Yn 1990, cafwyd Roberts yn euog o'i llofruddio. Yn ôl y BBC, "er bod eu perthynas yn stormus iawn, syfrdanwyd byd y theatr Gymraeg."[4] Treuliodd 12 mlynedd yn y carchar.
Yn ei flynyddoedd hwyrach roedd yn byw yn Stryd Yr Afon, Trefor. Bu farw yn Ysbyty Gwynedd wedi gwaeledd byr yn 2020.[5]
Cyfeiriadau golygu
- ↑ https://books.google.co.uk/books?id=TlquBwAAQBAJ&pg=PR12&lpg=PR12&dq=%22clive+roberts%22+theatr&source=bl&ots=6QDeUKMZWe&sig=t3gXTYSjFx7gTOUIyNJDoBLuURo&hl=cy&sa=X&ved=2ahUKEwi8w-Ga3KPdAhXsBcAKHRscDWM4ChDoATADegQIAxAB#v=onepage&q&f=false
- ↑ https://books.google.co.uk/books?id=E2z2CQAAQBAJ&pg=PT122&lpg=PT122&dq=%22clive+roberts%22+theatr&source=bl&ots=PjsiKFA63M&sig=5OP6CRTFdpeDW7vkGQPYYkR3fmI&hl=cy&sa=X&ved=2ahUKEwi8w-Ga3KPdAhXsBcAKHRscDWM4ChDoATABegQIBxAB#v=onepage&q&f=false
- ↑ Elinor Wyn Roberts - Find A Grave
- ↑ http://www.bbc.co.uk/cymru/radiocymru/safle/cofio/pages/1989_ffeithiau.shtml
- ↑ Yr actor Clive Roberts wedi marw yn 76 oed , BBC Cymru Fyw, 4 Rhagfyr 2021.
Dolenni allanol golygu
- Clive Roberts ar wefan Internet Movie Database