Coleg Sir Gâr

Map o'r cyfesurynnau i gyd ar OSM; Map o gyfesurynnau y dudalen hon ar Google; Mapio hyd at 200 o gyfesurynnau'r adran hon ar Bing
	Allforio cyfesurynnau y dudalen hon fel KML
	Allforio cyfesurynnau y dudalen hon fel GeoRSS
	Allforio cyfesurynnau y dudalen hon fel GPX
	Map o'r holl gyfesurynnau meicrofformat
	Data fel RDF

Coleg Sir Gâr
Math	coleg addysg bellach
Sefydlwyd	1985 ;
Daearyddiaeth
Sir	Sir Gaerfyrddin
Gwlad	Cymru
Cyfesurynnau	51.687°N 4.188°W
Cod OS	SN488009
	[golygwch ar Wicidata]

Coleg addysg bellach yn Sir Gaerfyrddin yw Coleg Sir Gâr, gyda phum campws ar draws y sir. Mae'n aelod o gorff ColegauCymru.

Y coleg

Mae Coleg Sir Gâr yn goleg addysg bellach mawr ar sawl safle. Mae’n rhan o Grŵp Prifysgol Cymru Y Drindod Dewi Sant. Lleolir y coleg yn Ne Orllewin Cymru ac mae ganddo bum prif gampws. Maent yn amrywio o ran maint a natur ac yn cynnig amrywiaeth o bynciau. Mae'r coleg yn cynnig addysg bellach, addysg i oedolion ac yn y gymuned, addysg uwch a dysgu yn y gwaith. Mae tua 10,000 o fyfyrwyr i gyd, gyda rhyw 3,000 ohonynt yn llawn amser a 7,000 yn rhan-amser. Mae dros 900 o fyfyrwyr addysg uwch.

Mae'r coleg yn cynnig ystod eang o raglenni addysg a hyfforddiant academaidd a galwedigaethol, gan gynnwys hyfforddiant wedi'i deilwra yn arbennig ar gyfer cyflogwyr. Mae'r cyrsiau'n amrywio o lefel cyn-fynediad i lefel ôl-raddedig. Mae hefyd yn cynnig ei ddarpariaeth ar-lein, trwy bartneriaethau mewn lleoliadau cymunedol ac yn y gweithle. Mae rhaglenni hyfforddiant sy'n seiliedig ar waith yn cael eu cynnig hefyd, sef fel prentisiaethau sylfaen a modern.

Mae'r coleg hefyd yn darparu ar gyfer tua 1000 o ddisgyblion ysgol 14-19 oed sy'n mynychu'r coleg neu'n cael eu haddysgu gan staff y coleg yn eu hysgolion.

Penodwyd pennaeth newydd ar 31 Awst 2018, yn dilyn ymddeoliad Barry Liles.^[1]

Mae gan y coleg drosiant blynyddol o tua £30m ac mae'n cyflogi tua 850 o staff. Mae tua 450 o'r rhain yn ymwneud yn uniongyrchol ag addysgu ac mae 400 yn darparu swyddogaethau cymorth a gweinyddol.^[2]

Mae'r coleg wedi uno â Choleg Ceredigion.

Campysau

Coleg Sir Gâr

Graig, Heol Sandy, Pwll, Llanelli (51°41′11″N 4°11′19″W / 51.6865°N 4.1885°W / 51.6865; -4.1885 (Coleg Sir Gâr, Graig campus) )
Pibwrlwyd, Caerfyrddin (51°50′26″N 4°18′27″W / 51.8406°N 4.3074°W / 51.8406; -4.3074 (Coleg Sir Gâr, Pibwrlwyd campus) )
Rhydaman (51°47′44″N 3°59′57″W / 51.7956°N 3.9992°W / 51.7956; -3.9992 (Coleg Sir Gâr, Ammanford campus) )
Gelli Aur, Llandeilo (51°52′14″N 4°02′42″W / 51.8706°N 4.0451°W / 51.8706; -4.0451 (Coleg Sir Gâr, Gelli Aur campus) )
Ffynnon Job, Heol Ffynnon Job, Caerfyrddin (51°51′24″N 4°19′42″W / 51.8568°N 4.3284°W / 51.8568; -4.3284 (Coleg Sir Gâr, Jobs Well campus) )

Coleg Ceredigion

Hanes

Mae Coleg Sir Gâr wedi bod yn darparu addysg bellach ers 1985.^[3] Cychwynodd fel Coleg Technoleg a Chelf Sir Gaerfyrddin (CCTA) trwy uno sawl coleg technegol a Choleg Celf Dyfed. Ym 1992, daeth y coleg yn gorfforaeth annibynnol, ar ôl bod o dan reolaeth yr awdurdod addysg lleol cyn hynny. Ers 1 Awst 2013, mae’r coleg wedi bod yn rhan o Grŵp Prifysgol Cymru Y Drindod Dewi Sant.

Arferai Ysgol Ramadeg y Bechgyn Llanelli ac Ysgol Gyfun y Graig fod ar Gampws y Graig, Llanelli.^[3] Fel CCTA, roedd campws Llanelli wedi'i leoli ar Heol Alban yn Llanelli. Hwn oedd safle hen Goleg Technegol Llanelli.

Dechreuodd Ysgol Gelf Caerfyrddin ym 1854. Cyfunodd â choleg Llanelli yn 1971 i ddod yn Goleg Celf Dyfed. Ym 1979 adeiladwyd y campws newydd yn Heol Ffynnon Job, Caerfyrddin.^[4]

Coleg rhithwir

Crëwyd y virtualcollege.ac.uk gan Goleg Sir Gâr yn 1998 i gwrdd â gofynion cynyddol diwydiant yn Sir Gaerfyrddin. Cyflwynwyd y cyrsiau hyfforddi a ddatblygwyd, ym maes sgiliau TG, yn gyfan gwbl ar-lein. Ers hynny mae'r coleg rhithwir wedi ehangu i gynnwys bron i 1000 o gyrsiau mewn nifer o feysydd, gan gynnwys hyfforddiant athrawon, cyfrifeg, busnes, arweinyddiaeth a rheolaeth, iechyd a diogelwch ac ieithoedd. Mae'r holl gyrsiau achrededig yn cael eu cyflwyno'n gyfan gwbl ar-lein gyda chefnogaeth tiwtoriaid o'r coleg.

Cyn-ddisgyblion nodedig

Josh Adams, chwaraewr rygbi'r undeb
David Gray, canwr a chyfansoddwr caneuon
Terry Price, chwaraewr rygbi'r undeb
Kenneth Bowen, tenor yn yr Academi Gerdd Frenhinol

Cyfeiriadau

↑ "Dr Andrew Cornish announced as new Principal for Coleg Sir Gar". 5 September 2018. Archifwyd o'r gwreiddiol ar 2020-10-20. Cyrchwyd 2023-05-09.
↑ Lowe, Jonathan (2017). A students Guide into Business.
↑ ^3.0 ^3.1 "Coleg Sir Gâr guide". Education. The Telegraph. Cyrchwyd 5 April 2013.
↑ Lewis Webb, Barbara. "The Carmarthen School of Art". Carmarthen Museum. Archifwyd o'r gwreiddiol ar 2016-03-04. Cyrchwyd 2023-05-09.

Dolenni allanol

Coleg Sir Gâr Archifwyd 2023-05-13 yn y Peiriant Wayback (Gwefan Swyddogol)
Twitter
Virtual College Archifwyd 2016-10-02 yn y Peiriant Wayback
University of Wales : Trinity St David
Moodle4Teachers Archifwyd 2017-02-08 yn y Peiriant Wayback

[1] "Dr Andrew Cornish announced as new Principal for Coleg Sir Gar". 5 September 2018. Archifwyd o'r gwreiddiol ar 2020-10-20. Cyrchwyd 2023-05-09.

[2] Lowe, Jonathan (2017). A students Guide into Business.

[Telegraph_guide-3] 3.0 ^3.1 "Coleg Sir Gâr guide". Education. The Telegraph. Cyrchwyd 5 April 2013.

[4] Lewis Webb, Barbara. "The Carmarthen School of Art". Carmarthen Museum. Archifwyd o'r gwreiddiol ar 2016-03-04. Cyrchwyd 2023-05-09.

[1]

[2]

[3]

[4]