Richard Robert Jones
Amlieithydd hunanaddysgedig a chrwydryn o Gymro oedd Richard Robert Jones neu Dic Aberdaron (1780 – 18 Rhagfyr 1843).[1]
| Richard Robert Jones | |
|---|---|
 Dic Aberdaron tua 1823. | |
| Ganwyd | 1780  Aberdaron |
| Bu farw | 18 Rhagfyr 1843 Llanelwy |
| Galwedigaeth | ieithydd |
Saer coed yn arbenigo mewn gwenud a thrwsio cychod oedd ei dad, ac o'r herwydd agadwodd y cartref yn gynnar iawn.
Chafodd Dic ddim addysg ffurfiol ond roedd e'n adnabyddus am ddysgu hyd at 14 neu 15 iaith gan gynnwys y Gymraeg, Saesneg, Lladin, Groeg, Hebraeg, Ffrangeg, Eidaleg, Sbaeneg, a rhywfaint o'r Galdeeg a'r Syrieg.[2] Gwyddys iddo ddysgu Lladin pan oedd yn ddim ond 12 oed, a'i fod wedi dysgu Groeg cyn ei fod yn ugain. Roedd yn Lerpwl yn 1804 ac yn Llundain yn 1807 ac arhosodd ym Mangor, Caernarfon ac Ynys Môn.
_2.jpg)
Ysgrifennodd William Roscoe gofiant amdano fe.
Ysgrifennodd R. S. Thomas, a oedd yn weinidog yn Aberdaron am gyfnod, gerdd amdano fe o'r enw "Dic Aberdaron". Ceir cerdd arall o'r un enw gan T. H. Parry-Williams sydd yn gorffen gyda'r frawddeg "Chwarae-teg i Dic - nid yw pawb yn gwirioni'r un fath".[1]
_NLW3362748.jpg)
Cyfeiriadau
golygu- ↑ Parry, Gruffydd. JONES , RICHARD ROBERT (‘Dic Aberdaron’; 1780 - 1843). Y Bywgraffiadur Cymreig. Llyfrgell Genedlaethol Cymru. Adalwyd ar 20 Gorffennaf 2013.
- ↑ (Saesneg) Thomas, D. L.; Haigh, John D. (2004). "Jones, Richard Roberts (1780–1843)". Oxford Dictionary of National Biography (arg. online). Gwasg Prifysgol Rhydychen. doi:10.1093/ref:odnb/15076.CS1 maint: ref=harv (link) (mae angen tanysgrifiad neu aelodaeth o lyfrgell gyhoeddus i ddarllen yr erthygl)
