Gareth Miles

Awdur, dramodydd ac ymgyrchydd o Gymru oedd Gareth Miles (19 Ebrill 1938 – 6 Medi 2023).

Gareth Miles
Ganwyd	19 Ebrill 1938  Caernarfon
Bu farw	6 Medi 2023
Dinasyddiaeth	Cymru
Alma mater	Prifysgol Bangor
Galwedigaeth	llenor, athro, dramodydd

Bywyd cynnar ac addysg

Fe'i ganwyd yng Nghaernarfon a'i fagu yn Waunfawr ond mae ei wreiddiau yn Mhontrhydyfen. Roedd ganddo ddwy chwaer, Lisabeth a Gill. Mynychodd Brifysgol Bangor cyn mynd yn athro Ffrangeg a Saesneg yn Amlwch, Dyffryn Nantlle, ac Ysgol Morgan Llwyd, Wrecsam. Yn ddiweddarach ymgartrefodd ym Mhontypridd.

Gyrfa

Bu'n drefnydd cenedlaethol Undeb Cenedlaethol Athrawon Cymru (UCAC) ac roedd yn un o sefydlwyr Cymdeithas yr Iaith Gymraeg.

Bu'n awdur proffesiynol ers 1982. Llwyfanwyd dros ugain o ddramâu gwreiddiol a chyfieithiadau o'i eiddo. Fe weithiodd hefyd fel sgriptiwr ar raglenni teledu gan gynnwys y cyfresi drama Pobol y Cwm, Coleg, a Dinas.

Enillodd wobr Llyfr y Flwyddyn 2008 am Y Proffwyd a’i Ddwy Jesebel.

Bywyd personol

Roedd yn briod a Gina ac roedd ganddynt tri o blant - Elen, Branwen ac Eiry.

Bu farw ar 6 Medi 2023, gartref gyda'i deulu. Cynhaliwyd ei angladd ar ddydd Gwener, 22 Medi 2023. Cafwyd gwasanaeth cyhoeddus yn Amlosgfa Glyn Taf, Pontypridd am 12:45 â ddilynwyd gan dderbyniad yng Nghlwb y Bont, Pontypridd.

Cyhoeddiadau

Gwreiddiol

Clawr Llafur Cariad

• Cymru ar wasgar: chwe stori (1974)
• Treffin (1979)
• Diwedd y Saithdegau (1983)
• Trefaelog (1989)
• Romeo a Straeon Eraill (1999)
• Hunllef yng Nghymru Fydd (1995)
• Llafur Cariad (2001)
• Cwmtec (2002)
• Ffatri Serch (2003)
• Lleidr Da (2005)
• Y Proffwyd a’i Ddwy Jesebel (2007)
• Teleduwiol (2010)
• Cuddwas (2015)

Addasiadau

• Euripides, Y Bacchai (1991)
• Duges, Tywysoges, A Chyffur Epilio; addasiadau o ddramâu gan Niccolò Machiavelli, John Webster a Pierre de Marivaux (1992)