Agor y brif ddewislen

Cadfridog Rhufeinig oedd Germanicus Julius Caesar Claudianus (24 Mai 15 CC10 Hydref 19 OC). Ei enw gwreiddiol oedd Nero Claudius Drusus neu Tiberius Claudius Nero; cymerodd yr enw "Germanicus" yn 9 CC, pan gafodd ei dad yr enw i gydnabod ei fuddugoliaethau yn Germania.

Germanicus
Bust of Germanicus.jpg
Ganwyd 24 Mai 0015 CC Edit this on Wikidata
Rhufain Edit this on Wikidata
Bu farw 10 Hydref 0019, 19, 9 Hydref 0019 Edit this on Wikidata (Gweithredydd < annisgwyl oed)
Achos: malaria Edit this on Wikidata
Antiochia Edit this on Wikidata
Dinasyddiaeth Rhufain hynafol Edit this on Wikidata
Galwedigaeth bardd, gwleidydd, person milwrol Edit this on Wikidata
Swydd Ancient Roman senator, consul of the Roman Empire, quaestor Edit this on Wikidata
Tad Nero Claudius Drusus Edit this on Wikidata
Mam Antonia Minor Edit this on Wikidata
Priod Agrippina the Elder Edit this on Wikidata
Plant Caligula, Nero, Julia Drusilla, Julia Livilla, Drusus Caesar, Agrippina the Younger Edit this on Wikidata
Llinach Julio-Claudian dynasty Edit this on Wikidata
Gwobr/au Q23906229 Edit this on Wikidata

Tad Germanicus oedd y cadfridog Nero Claudius Drusus, mab yr ymerodres Livia Drusilla, trydydd gwraig yr ymerawdwr Augustus. Ei fam oedd Antonia Minor, merch Marcus Antonius ac Octavia Minor, chwaer Augustus. Roedd ganddo un chwaer, Livilla, ac un brawd, Claudius, a ddaeth yn ymerawdwr yn ddiweddarach.

Priododd Germanicus ag Agrippina yr Hynaf, a chawsant naw o blant. Bu farw tri yn ieuanc; y chwech arall oedd:

Roedd Germanicus yn ffefryn gan yr ymerawdwr Augustus, a phan enwodd Tiberius fel ei etifedd, mynnodd ei fod yn mabwysiadu Germanicus fel mab ac etifedd iddo ef. Bu'n ymladd yn Pannonia a Dalmatia, a daeth i gael ei gydnabod fel cadfridog galluog. Wedi marwolaeth Augustus yn 14, enwodd Senedd Rhufain ef yn bennaeth y milwyr yn Germania. Arweiniodd nifer o ymgyrchoedd yn erbyn y cynghrair o lwythau Almaenig dan arweiniad Arminius, oedd wedi dinistrio tair lleng Rufeinig ym Mrwydr Fforest Teutoburg yn 9 OC. Enillodd Germanicus nifer o fuddugoliaethau dros Arminius, yn enwedig ger Idistoviso ar Afon Weser yn 16. Gallodd adennill eryr pob un o'r tair lleng a gollwyd ym Mrwydr Fforest Teutobug.

Galwyd Germanicus yn ôl i Rufain gan Tiberius, ac yna gyrrwyd ef i Asia, lle gorchgyfodd deyrnasoedd Cappadocia a Commagene yn 18, a'i troi yn daleithiau Rhufeinig. Bu cweryl rhyngddo ef a llywodraethwr Syria, Gnaeus Calpurnius Piso, a phan fu farw Germanicus yn sydyn yn Antioch, cyhuddwyd Piso o'i wenwyno. Lladdodd Piso ei hun tra'n disgwyl ei brawf yn Rhufain. Awgrymodd Suetonius fod Tiberius yn eiddigeddus o boblogrwydd Germanicus, a'i fod a rhan yn y llofruddiaeth. Taflwyd amheuaeth ar brif gynghorydd Tiberius, Sejanus, hefyd.