Kristina Háfoss
Mae Kristina Háfoss (ganwyd Danielsen, 26 Mehefin 1975) yn economegydd, cyfreithiwr ac aelod o senedd Ynysoedd Ffaröe, y Løgting ar ran y blaid Tjóðveldi, sef plaid sydd dros gweriniaeth annibynnol Ffaroeg. O 1 Chwefror 2021, hi oedd cyfarwyddwr y Cyngor Nordig, fel y Ffaroewr cyntaf a'r cyntaf o Deyrnas Denmarc.[2]
| Kristina Háfoss | |
|---|---|
 Kristina Háfoss yn 2012 | |
| Ysgrifennydd Cyffredinol y Cyngor Nordig | |
Deiliad | |
| Cychwyn y swydd 1 Chwefror 2021 | |
| Rhagflaenwyd gan | Britt Bohlin Olsson |
| Gweinidog Cyllid | |
| Yn ei swydd 15 Medi 2015 – 16 Medi 2019 | |
| Prif Weinidog | Aksel V. Johannesen |
| Rhagflaenwyd gan | Jørgen Niclasen |
| Dilynwyd gan | Jørgen Niclasen |
| Aelod o'r Parliament | |
| Yn ei swydd 29 Hydref 2011 – 31 Ionawr 2021 | |
| Etholaeth | Ynysoedd Ffaröe |
| Minister of Culture | |
| Yn ei swydd 4 Chwefror 2008 – 30 Awst 2008 | |
| Prif Weinidog | Jóannes Eidesgaard |
| Rhagflaenwyd gan | Jógvan á Lakjuni |
| Dilynwyd gan | Óluva Klettskarð |
| Aelod o'r senedd | |
| Yn ei swydd 30 Ebrill 2002 – 20 Ionawr 2004 | |
| Etholaeth | De Streymoy |
| Manylion personol | |
| Ganwyd | Kristina Danielsen 26 Mehefin 1975 Copenhagen, Denmarc |
| Plaid wleidyddol | Tjóðveldi |
| Priod | Ronnie Háfoss[1] |
| Plant | 4 |
Cefndir a gyrfa fusnes
golyguMagwyd Háfoss yn Argir[3] pentref sydd bellach yn rhan i brifddinas Ynysoedd Ffaroe, Tórshavn. Mae hi'n cand.jur. a cand.polit. o Brifysgol Copenhagen o 2002 a 2003, yn y drefn honno. Cyflogwyd Háfoss gan Weinyddiaeth Materion Tramor Denmarc 1998–1999, y Weinyddiaeth Gyllid 1999–2000 a Swyddfa'r Llys Apêl yn Ynysoedd Ffaroe yn hafau 1999 a 2000.[4] Ar ben hynny, roedd hi'n gynghorydd ariannol wrth baratoi'r cynllun gweithredu ar gyfer Útoyggjar (Ynysoedd Ffaro pellennig, yr ynysoedd bach sydd â chysylltiad cychod ag Ynysoedd Ffaroe canolog yn unig) 2000-2001, economegydd yn Landsbanki Føroya 2004-2005 ac yn rheolwr prosiect ac ymgynghorydd buddsoddi yn Føroya Banki yn 2006. Er 2007, mae hi wedi bod yn rheolwr adran yn Tryggingarfelagið Føroyar.[5]
Mae ei swyddi pwyllgor a bwrdd yn cynnwys cadeirydd y gymdeithas myfyrwyr Meginfelag Føroyskra Studenta (MFS) 1999–2000, cadeirydd y gymdeithas economeg a chyfreithiol Búskapar- og Løgfrøðingafelag Føroya (BLF) 2005-2006, aelod o fwrdd goruchwylio Landsbanki Føroya o 2008, bwrdd aelod o P / F Smyril Line o 2011 ac aelod o fwrdd dau o is-gwmnïau Tryggingarfelagið Føroyar o 2011.[5]
Teulu a Magwraeth
golygu
Ei thaid ar ochr ei mam oedd Louis Zachariasen o Kirkja ar ynys fechan Fugloy. Roedd yn athro, ond rhoddodd y gorau i ddysgu pan na allai ddysgu'r plant yn yr iaith Ffaröeg.[6] Roedd yn wleidydd i blaid Sjálvstýri, y Blaid Ymreolaeth, yn yr 1940au.
Roedd Háfoss yn nofiwr cystadleuaeth pan oedd yn blentyn ac yn ei harddegau, nofiodd dros y clwb lleol yn Tórshavn, Havnar Svimjifelag, ac ar gyfer Ynysoedd Ffaro. Daeth y nofio â hi ynghyd â nofiwr Ffaro arall, Annika Olsen, a ddaeth hefyd yn wleidydd yn ddiweddarach, daethant yn ffrindiau yn ifanc ac roedd y ddau yn nofio i dîm cenedlaethol Ynysoedd Ffaro. Ar ôl rhoi'r gorau i'w gyrfa nofio wrth fynychu'r ysgol uwchradd yn Hoydalar, dechreuodd chwarae pêl foli ar lefel clwb.
Personol
golyguMae Kristina yn briod â Ronnie Háfoss. Maent yn byw yn Hoyvík, maestref yng ngogledd Tórshavn. Mae ganddynt bedwar o blant, Hildur (g. 2001), Hákun (g. 2004), Erlendur (g. 2006) og Halla (g. 2009).[7]
Gwaith gwleidyddol
golyguRoedd Háfoss yn ddirprwy gadeirydd cymdeithas y pleidleiswyr Suðurstreymoyar Tjóðveldisfelag 2001-2002, a etholwyd i Senedd yr Ynysoedd, y Løgting ar ran etholaeth De ynys Streymoy 2002-2004 ac yn aelod o bwyllgor gwaith plaid Tjóðveldisflokkur 2004-2005.[5]
Ym mis Chwefror 2008, daeth yn Weinidog Diwylliant yn ail lywodraeth Jóannes Eidesgaard, ond ymddiswyddodd am resymau personol ym mis Awst yr un flwyddyn. O 2011 cafodd ei hethol i'r Lagting eto. Hi oedd y Gweinidog Cyllid yn llywodraeth Aksel V. Johannesen rhwng 2015 a 2019.
Ar 29 Hydref 2011 cafodd ei hethol i senedd Ffaroe gyda 451 o bleidleisiau personol a oedd yn ail fwyaf ar restr Tjóðveldi, nesaf ar ôl Høgni Hoydal.[8]
Mae hi wedi siarad yn gyhoeddus ac yn ryngwladol ar ddyfodol economaidd a gweinyddiaeth yr Ynysoedd a'r angen am fuddsoddi mewn isadeiladedd rhyngrwyd.[9] Mae hi hefyd wedi defnyddio ei statws fel gwleidydd ac wrth drafod darpariaeth economaidd, er mwyn creu cysylltiadau gyda llywodraethau gwledydd di-wladwriaeth eraill, megis Catalwnia.[10]
Fel aelod o'r blaid pro-annibyniaeth, mae hi'n ladmerydd cyson dros gallu Ynysoedd Ffaröe i fod yn wladwriaeth annibynnol gan nodi ei chryfder economaidd.[11]
Cyfryngau Cymdeithasol
golyguMae hi o bosib yn un o'r gwleidyddion prin o'r Ynysoedd sy'n adnabyddus i o leiaf, rhyw ganran o'r byd y tu allan. Mae ei chyfrif Twitter â dros 6,000 o ddilynwyr.[12] Oherwydd ei sylwadau cenedlaetholgar sy'n dathlu'r iaith Ffaroeg a dadlau dros annibyniaeth, mae ei chyfrif yn cael ei rannu gan fudiadau ac unigolion cenedlaetholgar Gymraeg megis YesCymru.[13]
Mae hi hefyd yn defnyddio ei chyfrif Twitter i drydar am faterion y Cyngor Nordig.[14]
Dolenni
golyguCyfeiriadau
golygu- ↑ "Um Kristinu (About Kristina)" (yn Faroese). Kristinahafoss.fo. Archifwyd o'r gwreiddiol ar 7 Mawrth 2016. Cyrchwyd 29 Awst 2015.CS1 maint: unrecognized language (link)
- ↑ "Færøernes Kristina Háfoss bliver ny direktør for Nordisk Råd". norden.org. Nordisk Råd. 14 Rhagfyr 2020. Cyrchwyd 15 Rhagfyr 2020.
- ↑ in.fo - Svimjingin knýtti Kristinu og Anniku saman Archifwyd 2016-02-08 yn y Peiriant Wayback, skrevet af Heri Simonsen, 7 Chwefror 2016
- ↑ logting.elektron.fo
- ↑ 5.0 5.1 5.2 tjodveldi.fo
- ↑ "Louis Zachariasen | Gyldendal - Den Store Danske". denstoredanske.dk. Cyrchwyd 29 Awst 2015.
- ↑ https://web.archive.org/web/20160307072158/http://kristinahafoss.fo/?page_id=48
- ↑ "Val 11" (yn Faroese). Kringvarp Føroya. Archifwyd o'r gwreiddiol ar 23 Medi 2015. Cyrchwyd 29 Awst 2015.CS1 maint: unrecognized language (link)
- ↑ https://www.youtube.com/watch?v=KS_0KGpJUgo
- ↑ https://mobile.twitter.com/kristinahafoss/status/1091436497729921024?lang=eu
- ↑ https://local.fo/the-faroese-economy-is-more-self-sufficient-and-independent-than-ever/
- ↑ https://twitter.com/KristinaHafoss
- ↑ https://twitter.com/KristinaHafoss/status/1442041620757688322
- ↑ https://twitter.com/KristinaHafoss/status/1439526180974170113