Plaid Genedlaethol Gwlad y Basg
Plaid Genedlaethol Gwlad y Basg (Basgeg: Euzko Alderdi Jeltzalea' (EAJ), Sbaeneg: Partido Nacionalista Vasco' (PNV) yw'r blaid genedlaethol Fasgaidd fwyaf, a'r blaid fwyaf yng Ngwlad y Basg. Ei henw swyddogol yn Sbaen yw Euzko Alderdi Jeltzalea-Partido Nacionalista Vasco (EAJ-PNV), ac yn Ffrainc Euzko Alderdi Jeltzalea- Parti Nationaliste Basque (EAJ-PNB).
| Delwedd:Logo EAJ-PNV (2012).png, Logo EAJ-PNV (1992).svg, Logo EAJ-PNV (1977).svg, Isotipo EAJ-PNV (2012).png, Isotipo EAJ-PNV (1992).svg | |
| Enghraifft o'r canlynol | Basque political party  |
|---|---|
| Idioleg | Cenedlaetholdeb Basgaidd, regionalism, pro-Europeanism, Democratiaeth Gristnogol, Linguistic nationalism |
| Dechrau/Sefydlu | 1895 |
| Pennaeth y sefydliad | President of the Basque Nationalist Party |
| Sylfaenydd | Sabino Arana |
| Aelod o'r canlynol | Q111187242 |
| Pencadlys | Sabin Etxea |
| Gwladwriaeth | Sbaen, Ffrainc |
| Gwefan | http://www.eaj-pnv.eus |
 Ffeiliau perthnasol ar Gomin Wicimedia | |
.png,_Logo_EAJ-PNV_(1992).svg,_Logo_EAJ-PNV_(1977).svg,_Isotipo_EAJ-PNV_(2012).png,_Isotipo_EAJ-PNV_(1992).svg){kind=link}
Sefydlwyd y blaid yn 1895 gan Sabino Arana Goiri; hi yw'r ail-hynaf o bleidiau gwleidyddol Sbaen ar ôl y PSOE. Mae'r enw Basgeg, "Euzko Alderdi Jeltzalea", yn golygu "Plaid Fasgaidd cefnogwyr y J.E.L.", lle mae "J.E.L." yn dod o Jaungoikoa Eta Lagizarrak ("Duw a'r Hen Ddeddfau"), yn cyfeirio ar ddechreuadau'r blaid fel plaid Gatholig i amddiffyn traddodiadau Basgaidd.
Heddiw mae'n ei diffinio ei hun fel plaid Fasgaidd ddemocrataidd ac anenwadol, yn y canol neu canol-chwith ar y sbectrwm chwith-de, ac yn anelu at annibyniaeth i Wlad y Basg. Mae'n ymgyrchu nid yn unig yng Nghymuned Ymreolaethol Gwlad y Basg ond yn Navarra ac yn y tiriogaethau Basgaidd yn Ffrainc. Mae ganddi 28 o'r 75 sedd yn y senedd Fasgaidd. Mae wedi bod yn brif blaid llywodraethol Senedd Euskadi ers sefydlu'r Senedd yn dilyn y refferendwm dros Stadud Ymreolaeth Gwlad y Basg yn 1979.