Plastigau a newid hinsawdd

Cysylltir plastig amrywiol gyda newid hinsawdd gan fod plastig yn cael ei gynhyrchu o olew, deunydd ffosil mae gwledydd y byd yn ceisio defnyddio llai ohono. Mae defnyddio olew yn rhyddhau carbon deuocsid i'r amgylchedd ac yn cyflymu newid hinsawdd. Er hyn, disgwylir i betrocemegion ddod yn ysgog'r alwad am olew byd-eang o nawr hyd at 2030. Er bod y gymuned ryngwladol yn ymdrechu i fynd i'r afael â newid hinsawdd trwy symud i ffwrdd o danwydd ffosil yn y sectorau ynni a chludiant, cant eu defnyddio'n eang i gynhyrchu plastig. Mae Cyfeillion y Ddaear Cymru'n dweud "y disgwylir y bydd petrocemegau’n gyfrifol am fwy na thraean y twf yn y galw am olew erbyn 2030 a bron i hanner y twf erbyn 2050 (mwy na morgludo a hedfan)".

Plastigau a newid hinsawdd

Ffatri moldio plastig yn West Midlands, Lloegr
Enghraifft o'r canlynol	effaith amgylcheddol

Trwy leihau faint o ddeunyddiau plastig, gwrteithiau, dillad, pryladdwyr a glanedyddion ac ati a ddefnyddir, gellir lleihau faint o gemegau niweidiol a ddefnyddir, lleihau'r allyriadau hinsawdd, a chynorthwyo i atal y broses o newid hinaswdd.

Cyfraniad Plastig i Newid Hinsawdd

Mae plastigion yn bygwth gallu’r gymuned fyd-eang i gadw’r cynnydd tymheredd byd-eang o dan 1.5°C, wrth i nwyon tŷ gwydr (GHG) gael eu hallyrru drwy gydol y cylch bywyd plastig. Yn wir, mae echdynnu, mireinio a gweithgynhyrchu plastigion i gyd yn weithgareddau carbon-ddwys. Ond, nid yr allyriadau olew a nwy ychwanegol yn unig y dylen ni boeni amdanyn nhw mewn perthynas â phlastig: mae llawer o aflonyddwr (hy cemegau) sy'n tarfu ar yr endocrin (EDCs) yn cael eu defnyddio wrth weithgynhyrchu rhai plastigau.

Pan mae plastig yn cael eu gwaredu, mae llosgi gwastraff plastig yn rhyddhau nwyon tŷ gwydr sylweddol i'r atmosffer, ochr yn ochr â llygryddion gwenwynig. Mae ailgylchu hefyd yn dod gyda'u cyfran o allyriadau nwyon tŷ gwydr.

Y cefnforoedd

Prif: Llygredd plastig morol

Llygredd plastig ar arfordir Portsmouth yn 2012

Gall plastig yn y cefnforoedd hefyd ymyrryd â'u gallu i amsugno a storio carbon deuocsid, gan greu proses arall lle mae llygredd plastig yn cyfrannu at gyflymu newid yn yr hinsawdd. Mae ecosystemau amrywiol, megis y cefnfor a'r ardaloedd mynyddig, yn arbennig o agored i newid yn yr hinsawdd a llygredd plastig, ac mae'r cyfuniad o'r ddau yn ffactor straen sylweddol ar fioamrywiaeth.

Gweler hefyd

Masnach gwastraff byd-eang Cyfrifoldeb y wladwriaeth i atal amlygiad tocsig Gwahardd bagiau plastig Bioamrywiaeth a hawliau dynol Colli bioamrywiaeth Cyfiawnder newid hinsawdd Cyfiawnder hinsawdd Cyfreitha newid hinsawdd Confensiwn Basel Cytundeb Escazú Datganiad Malé ar Newid Hinsawdd Byd-eang o ran y Ddynoliaeth

Halogi'r pridd Cymuned La Oroya v. Periw Effaith mwyngloddio ar yr amgylchedd Egwyddorion Arweiniol y Cenhedloedd Unedig ar Fusnes a Hawliau Dynol Hawliau dynol a datblygiad Hawliau dynol a newid hinsawdd Newid hinsawdd a rhyw pobl Hawl i amgylchedd iach Trawsnewid cyfiawn Yr hawl i gartref Yr hawl i iechyd