Terry Dyddgen-Jones
Cyfarwyddwr a cynhyrchydd teledu o Gymro oedd Terry Dyddgen-Jones (Gorffennaf 1950 – 27 Mehefin 2018).
| Terry Dyddgen-Jones | |
|---|---|
| Ganwyd | Terry Jones  Gorffennaf 1950 Crwbin |
| Bu farw | 27 Mehefin 2018 Caerdydd |
| Dinasyddiaeth |  Cymru |
| Galwedigaeth | cyfarwyddwr teledu |
| Plant | Siôn Russell Jones |
Yn wreiddiol o Sir gaerfyrddin, roedd Terry'n fwyaf adnabyddus fel un o gyfarwyddwyr drama teledu rhwydwaith, ac am gynhyrchu ffilmiau ar gyfer BBC ac ITV. Bu’n gyfrifol am gyfarwyddo dros 200 o benodau o'r opera sebon Coronation Street, ac roedd hefyd yn adnabyddus yng Nghymru am gyfarwyddo cyfresi Parch a Byw Celwydd, ynghyd â’i waith fel uwch-gynhyrchydd Pobol y Cwm. Bu farw Terry Dyddgen Jones ddiwedd Mehefin yn Ysbyty Felindre, Caerdydd wedi salwch byr.[1] Ei fab yw'r canwr a cyfansoddwr Sion Russell Jones.[2]
Bywyd cynnar
golyguFe'i ganwyd ym mhentref Crwbin, Sir Gaerfyrddin. Aeth i Ysgol Ramadeg Cwm Gwendraeth.[3] Ei enw bedydd oedd Terry Jones ond pan ymunodd ag Equity yn 1974 roedd rhaid iddo ddewis enw newydd er mwyn osgoi dryswch gyda'r digrifwr Terry Jones o Monty Python. Dewisodd yr enw Dyddgen am fod ei hen-ddad-cu wedi ei ddefnyddio fel enw barddol. Mae yna hefyd Gapel Dyddgen ger Crwbin.[2]
Cychwynnodd ei yrfa fel athro drama yn Ysgol Glan Clwyd a bu'n gweithio gyda Clwyd Theatr Cymru yn y cyfnod hwn.[4]
Gyrfa teledu
golyguYn y 1970au roedd yn gyflwynydd a chynhyrchydd rhaglenni Cymraeg gyda HTV Cymru. Bu hefyd yn actor, cynhyrchydd a chyfarwyddwr ar Pobol y Cwm. Bu'n cyfarwyddo penodau o'r gyfres ddrama Pam Fi Duw? yn y 1990au. Gweithiodd fel cyfarwyddwr ar rai o operâu sebon mwyaf y BBC ac ITV, yn bennaf ar dros 200 benodau ar Coronation Street rhwng 1997 a 2014. Gweithiodd am gyfnodau ar Hollyoaks, Eastenders ac Emmerdale hefyd.
Yn fwy diweddar, bu'n cyfarwyddo ar y cyfresi drama Cymraeg Byw Celwydd a Parch.
Bywyd personol
golyguRoedd yn briod a Judith ac roedd ganddynt dri plentyn, Leah, Jack, Sion.[5]
Anrhydeddau
golyguEnillodd sawl wobr BAFTA am ei waith ar operâu sebon a dramau.
Anrhydeddwyr ef, wedi'i farwolaeth, gyda gwisg werdd yn Eisteddfod Genedlaethol Cymru Caerdydd 2018.
Cyfeiriadau
golygu- ↑ Y cyfarwyddwr teledu Terry Dyddgen-Jones wedi marw , BBC Cymru Fyw, 28 Mehefin 2018.
- ↑ 2.0 2.1 (Saesneg) Coronation Street Blog interviews Corrie director Terry Dyddgen-Jones. Coronation Street Blog (12 Mawrth 2015). Adalwyd ar 28 Mehefin 2018.
- ↑ Ddysgu rhywbeth newydd bob dydd , Pembrokeshire Herald, 14 Hydref 2016. Cyrchwyd ar 28 Mehefin 2018.
- ↑ Street wise; Gareth Bicknell on how Terry Dyddgen-Jones went from drama teacher to The Street director. (en) , Daily Post, 19 Mehefin 2004. Cyrchwyd ar 28 Mehefin 2018.
- ↑ Terry DYDDGEN-JONES : Obituary. Western Mail (9 Gorffennaf 2018).