Tudur Dylan Jones
bardd
Prifardd ac enillydd y Goron yn Eisteddfod Sir y Fflint 2007 yw Tudur Dylan Jones a adnabyddir fel arfer fel Tudur Dylan (ganed 30 Mehefin 1965). Enillodd y Gadair yn Eisteddfod Bro Colwyn yn 1995, pan oedd ei dad, y Prifardd John Gwilym, yn archdderwydd, ac yn Eisteddfod Eryri a'r Cyffiniau yn 2005. Ef yw meuryn Ymryson y Beirdd a gynhelir yn y Babell Lên yn ystod wythnos yr Eisteddfod.
| Tudur Dylan Jones | |
|---|---|
 | |
| Ganwyd | 30 Mehefin 1965  Caerfyrddin |
| Dinasyddiaeth |  Cymru |
| Alma mater | |
| Galwedigaeth | bardd |
| Tad | John Gwilym Jones |
Fe'i ganed yng Nghaerfyrddin, ond fe'i maged ym Mangor, lle mynychodd Ysgol Tryfan. Ym Mangor yr aeth i'r Brifysgol hefyd. Athro ysgol yn Ysgol Gyfun y Strade, Llanelli yw Tudur Dylan wrth ei alwedigaeth. Bellach mae'n byw yng Nghaerfyrddin gyda'i wraig. Mae'n dad i ddwy ferch.
Ef oedd Bardd Plant Cymru 2004–2005.
Llyfryddiaeth
golygu- Adenydd, cyfrol o gerddi, 2001[1][2]
- Byd Llawn Hud (Ceri Wyn Jones, Tudur Dylan, Mererid Hopwood, Sonia Edwards, Elinor Wyn Reynolds), Gorffennaf 2004, (Gwasg Gomer)
- Caneuon y Coridorau, Mehefin 2005, (Gwasg Carreg Gwalch)
- Rhywun yn Rhywle: Cerddi Cyntaf i Blant, Tachwedd 2005, (Gwasg Gomer)
- Y Bancsi Bach (cyfrol o gerddi, 2013)
- Am yn Ail, 2021, cyfrol o gerddi ar y cyd gyda'i dad John Gwilym Jones
Fel cyfieithydd
golyguDolenni allanol
golygu- Proffil ar wefan 'Plant ar-lein' Archifwyd 2007-09-21 yn y Peiriant Wayback
Cyfeiriadau
golygu- ↑ "www.gwales.com - 9781900437417, Adenydd". www.gwales.com. Cyrchwyd 2022-06-19.
- ↑ "Gwedd Gyflwyno". www.barddoniaeth.cymru. Cyrchwyd 2022-06-19.
