Uwch Gynghrair Gogledd Macedonia
Y Prva Makedonska Fudbalska Liga (Macedoneg: Прва македонска фудбалска лига; "Prif Gynghrair Pêl-droed Macedonia"); talfyrrir hefyd yn 1. MFL a'r Prva Liga ac yn Albaneg (iaith oddeutu 20% o'r boblogaeth),[1] Liga e parë e futbollit maqedonas, yw lefel uchaf cynghrair bêl-droed gwladwriaeth Gogledd Macedonia a adweinir, fel rheol ar lafar fel "Macedonia". Adnabwyd y wladwriaeth fel Cyn-weriniaeth Iwsoglafia, Macedonia hyd nes 2019 yn dilyn blynyddoedd o drafod gyda Gwlad Groeg oedd yn gwrthwynebu y defnydd o'r enw "Macedonia" a oedd, yn eu tŷb nhw, yn tanseilio hanes a threftadaeth Groegeg y dalaith o'r un enw sydd yn rhan o Wlad Groeg. Gweinyddir y gynghrair gan Cymdeithas Bêl-droed Gogledd Macedonia.
 | |
| Gwlad | Gogledd Macedonia |
|---|---|
| Cydffederasiwn | UEFA |
| Sefydlwyd | 1992 |
| Nifer o dimau | 10 |
| Lefel ar byramid | 1 |
| Disgyn i | Ail Adran Bêl-droed Macedonia - 2. MFL |
| Cwpanau | Cwpan Macedonia |
| Cwpanau rhyngwladol | Cynghrair y Pencampwyr UEFA Cynghrair Europa UEFA |
| Pencampwyr Presennol | Shkëndija (3ydd teitl) (2018–19) |
| Mwyaf o bencampwriaethau | Vardar (10 titles) |
| Partner teledu | MRT Arena Sport |
| Gwefan | ffm.mk |
 2018–19 | |
Hanes
golygu
Ganwyd pencampwriaeth Macedonia fel twrnamaint i Is-gymdeithas Bêl-droed Skopje, corff rhanbarthol Ffederasiwn Iwgoslafia, ym 1928. Roedd y timau gorau yn y Banovina Vardar hefyd yn cystadlu yn y bencampwriaeth genedlaethol, yr oedd y twrnameintiau rhanbarthol yn gweithredu fel cam cymhwyso ar ei chyfer.
Ar ôl yr Ail Ryfel Byd, ganwyd Gweriniaeth Sosialaidd Macedonia, un o chwe gweriniaeth ffederal Iwgoslafia. Roedd pencampwriaeth y weriniaeth hon yn gweithredu fel twrnamaint rhanbarthol ac roedd y prif dimau'n chwarae'n rheolaidd yn y bencampwriaeth genedlaethol; er enghraifft ni chwaraeodd y Vardar erioed ym mhencampwriaeth Macedoneg yn y cyfnod hwn, ond dim ond yn yr un Iwgoslafia.
Ar ddiwedd tymor 1991-1992 gadawodd timau Macedoneg y bencampwriaeth Iwgoslafia gan gynnwys Uwch Gynghrair Iwgoslafia: yn benodol, roedd clybiau Vardar, a Pelister Bitola wedi cymryd rhan yn y twrnamaint ffederal uchaf y flwyddyn honno. O'r tymor canlynol ganwyd pencampwriaeth Macedonia, a oedd yn y flwyddyn gyntaf yn cynnwys deunaw tîm. Pencampwyr y tymor cyntaf yn 1992-93 (pan oedd 18 tîm yn yr Uwch Gynghrair) oedd Vardar Skopje. Cyn i'r wlad ennill ei hannibyniaeth, roedd timau Macedonia yn chwarae fel rhan o strwythur bêl-droed Iwgoslafia
Yn 2009-2010 gwaharddwyd tri o dimau pwysicaf y wlad o'r bencampwriaeth: Pobeda ar ôl gêm rhif 28; Makedonija, a'r Sloga Jugomagnat ar ôl gêm rhif 13 diwrnod, am beidio â chyflwyno i ddwy gêm yn olynol.[2]
Strwythur
golyguCymerodd 18 clwb ran yn nhymor gyntaf yr Uwch Gynghrair, yn y ddau dymor nesaf roedd gan y Prva Liga 16 clwb, yna 15 (un tymor), yna 14 clwb (5 tymor) hyd at 2001/02 pan newidiodd i 12 clwb. Mae'r bencampwriaeth bellach yn cynnwys tair clwb ac mae pob un yn chwarae tair gêm yr un.
Mae deg tîm yn chwarae yn erbyn ei gilydd mewn pedair rownd ac felly'n pennu'r pencampwr. Mae'r wythfed yn y relegation, mae'r ddau olaf yn disgyn yn uniongyrchol. Sefydlwyd y gynghrair ar ôl diddymu Iwgoslafia ym 1992 a gydag hynny Uwch Gynghrair Iwgoslafia. Mae gan y gynghrair 10 tîm, ac mae pob tîm yn chwarae'r ochrau eraill bedair gwaith, am gyfanswm o 36 gêm yr un.[3]
Yn yr holl dymhorau ers ffurfio'r gynghrair, dim ond Vardar sydd wedi cymryd rhan.
Table Pencampwyr
golygu| Safle | Clwb | Rhif | Tymor |
|---|---|---|---|
| 1. | Vardar Skopje | 10 | 1993, 1994, 1995, 2002, 2003, 2012, 2013, 2015, 2016, 2017 |
| 2. | Rabotnički Skopje | 4 | 2005, 2006, 2008, 2014 |
| 3. | Sileks Kratovo | 3 | 1996, 1997, 1998 |
| FK Sloga Jugomagnat Skopje | 3 | 1999, 2000, 2001 | |
| 5. | FK Pobeda Prilep | 2 | 2004, 2007 |
| KF Shkëndija | 3 | 2011, 2018, 2019 | |
| 6. | Makedonija Skopje | 1 | 2009 |
| [FK Renova Džepčište | 1 | 2010 |
Gweler hefyd
golyguNoder mai Prva Liga (Prif Gynghrair) a ddefnyddiwr gan brif adrannau pêl-droed nifer o wledydd eraill y cyn-Iwgoslafia:
Cyfeiriadau
golygu- ↑ https://www.nationalia.info/new/11055/albanian-declared-official-language-across-macedonia-issue-of-us-recognition-of-rojava
- ↑ "Macedonia 2009/10", rsssf.com; adalwyd 16 Hydref 2022
- ↑ "First League". Soccerway. Global Sports Media. Cyrchwyd 19 July 2012.
Dolenni allanol
golygu- Gwefan Swyddogol Cymdeithas Bêl-droed Gogledd Macedonia
- Gwefan Swyddogol ar FIFA
- MacedonianFootball.com
