Ysgol Uwchradd y Rhyl
Ysgol uwchradd cyfrwng Saesneg yn y Rhyl, Sir Ddinbych ydy Ysgol Uwchradd y Rhyl (Saesneg: Rhyl High School). Mae'n gwasanaethu disgyblion rhwng 11 ac 18 oed.
| Ysgol Uwchradd y Rhyl | |
|---|---|
| Rhyl High School | |
| Arwyddair | Learning Together Dysgu gyda'n gilydd |
| Sefydlwyd | 1896 |
| Math | Cyfun, y Wladwriaeth |
| Cyfrwng iaith | Saesneg |
| Pennaeth | Mark Edwards |
| Dirprwy Bennaeth | Martin Finch |
| Lleoliad | Grange Road, Y Rhyl, Sir Ddinbych,  Cymru, LL8 4BY
|
| AALl | Sir Ddinbych |
| Disgyblion | 1,186 (2002)[1] |
| Rhyw | Cydaddysgol |
| Oedrannau | 11–18 |
| Gwefan | http://www.rhylhighschool.net |
Hanes
golyguAgorodd yr ysgol ar 14 Medi 1896[2] fel Ysgol Sirol y Rhyl (Rhyl County School)[3] ar gornel Wellington Road a River Street yn yr adeilad sydd heddiw'n gartref i'r Royal Naval Club, bu hefyd ar un adeg yn gartref i Ysgol Gynradd Eglwys Crist.[2] Mr W.A. Lewis oedd y prifathro cyntaf, ac enwodd yr ysgol ar ôl ei gartref yn Henllan, sef "Gorphwysfa". Roedd 57 o ddisgyblion yn yr ysgol yn ei blwyddyn gyntaf, erbyn 1901 roedd 91 o ddisgyblion.[2]
Symudodd yr ysgol i adeilad newydd ar Grange Road ym 1901, ac mae'r ysgol wedi ei lleoli yno ers hynny. Newidiodd enw'r ysgol i Ysgol Ramadeg y Rhyl (Rhyl Grammar School) ym 1943,[3][4] arwyddair yr ysgol ramadeg oedd Gwell Dysg na Golud.[5] Trodd yn ysgol gyfun ym 1968 gen newid i'w henw presennol.[2]
Roedd 1,186 o ddisgyblion yn yr ysgol yn ystod adroddiad Estyn 2002, i gymharu â 1,043 ym 1997.[6]
Dinistrwyd un o'r blociau dysgu gan dân yn 2005. Erbyn 2008, roedd 1,024 o ddisgyblion gan gynnwys 77 yn y chweched ddosbarth.[1]
Cyn-ddisgyblion o nôd
golygu- Gweler hefyd y categori Pobl addysgwyd yn Ysgol Uwchradd y Rhyl
- Jimmy Cardno Junior (ganwyd 23 Mai 1946) - chwaraewr pêl-droed rhyngwladol[7]
- Patrick Garnett (11 Mawrth 1932 – 4 Mai 2006) - pensaer a dylunydd dylanwadol[8]
- Syr John T. Houghton - gwyddonydd a fu'n gyd-gaideirydd yr IPCC a enillodd Wobr Heddwch Nobel
- Peter Hoy (13 Mehefin 1934 – 16 Gorffennaf 1993) - cyhoeddwr, ysgolhaig ac athro[9]
- Emyr Humphreys (ganwyd 1919) - llenor, bardd a nofelydd Cymreig o fri[10]
- Rhys Jones (ganwyd 1927) - cerddor, athro a darlledydd[11]
- Robin Jones (tua 1939 – Ionawr 2010) - newyddiadurwr Radio Cymru a Radio Wales a chyflwynydd cyntaf S4C[12]
- Harold Lawton (27 Gorffennaf 1899 – 24 Rhagfyr 2005) - ysgolhaig a chymrawd Prifysgol Cymru[13]
- Reginald Samples (11 Awst 1918 – 31 Gorffennaf 2009) - CMG, DSO, OBE, criw awyr y "Fleet Air Arm" a Consul-General, Toronto 1969–1979[3][14]
- Martin Tomkinson - newyddiadurwr
- Yr Arglwydd Gareth Wyn Williams (1941 – 20 Medi 2003) - Arweinydd Tŷ'r Arglwyddi[15]
Cyfeiriadau
golygu- ↑ 1.0 1.1 Inspection report: Rhyl High School 17 November 2008. Estyn (22 Ionawr 2009).
- ↑ 2.0 2.1 2.2 2.3 Rhyl High School - A Brief History. Adalwyd ar 13 Chwefror 2010.
- ↑ 3.0 3.1 3.2 Colin Jones (11 Ionawr 2010). Rhyl Schools. Rhyl Life.
- ↑ North East Wales: Rhyl Town: Past & present. BBC (11 Mai 2009).
- ↑ Bathodyn Ysgol Ramadeg y Rhyl. Rhyl Grammar School Reunion. Adalwyd ar 13 Chwefror 2010.
- ↑ Inspection report: Rhyl High School 11 – 15 November 2002. Estyn (2002).
- ↑ Dave Jones (1 Hydref 2008). RHYL FC HEROES - No2:JIMMY CARDNO JR. Lilywhites Online.
- ↑ Jonathan Glancey (8 Mehefin 2006). Patrick Garnett. The Guardian.
- ↑ Obituary: Peter Hoy. The Independent (31 Gorffennaf 1993).
- ↑ BBC - North West Wales Arts-Emyr Humphreys. BBC. Adalwyd ar 1 Chwefror 2010.
- ↑ Rhys Jones MBE. Trelawnyd Male Voice Choir. Adalwyd ar 5 Ionawr 2012.
- ↑ Tributes paid to Rhyl Grammar product Robin Jones (20 Ionawr 2010).
- ↑ David H. Walker (31 Ionawr 2006). Professor Harold Lawton. The Independent.
- ↑ Reginald ‘Mac’ Samples: Fleet Air Arm aircrew. The Times (13 Awst 2009).
- ↑ North East Wales Public Life: Lord Williams. BBC. Adalwyd ar 13 Chwefror 2010.
