Ben Arous (talaith)

Talaith yng ngogledd Tiwnisia yw talaith Ben Arous. Mae'n gorwedd i'r de-ddwyrain o ddinas Tiwnis, prifddinas y wlad, gan ffinio â thalaith Zaghouan i'r de a Cap Bon i'r dwyrain. Ei phrifddinas yw Ben Arous, un o faesdrefi Tiwnis, ar gwr gorllewinol y dalaith, sy'n cael ei chyfrif gan amlaf yn rhan o ardal Tiwnis Fwyaf.

Ben Arous
MathTaleithiau Tiwnisia Edit this on Wikidata
PrifddinasBen Arous Edit this on Wikidata
Poblogaeth632,842 Edit this on Wikidata
Sefydlwyd
  • 1983 Edit this on Wikidata
Cylchfa amserUTC+01:00 Edit this on Wikidata
Daearyddiaeth
SirTiwnisia Edit this on Wikidata
GwladBaner Tiwnisia Tiwnisia
Arwynebedd761 km² Edit this on Wikidata
Cyfesurynnau36.74722°N 10.33333°E Edit this on Wikidata
TN-13 Edit this on Wikidata
Map
Lleoliad Talaith Ben Arous

Mae'r rhan fwyaf o'r boblogaeth yn byw yn ardal dinas Ben Arous ei hun neu ar yr arfordir lle ceir sawl tref ar lan Gwlff Tiwnis, yn cynnwys Er Zahra, Hammam Lif a Borj El Cedra; mae'r trefi glan môr hyn yn gyrchfan poblogaidd gan drigolion Tiwnis, yn enwedig ar y penwythnos. Ceir traethau braf a nifer o fwytai ond does dim datblygiadau ar gyfer twristiaeth ryngwladol yno. Dominyddir y dirwedd gan fynydd Bou Kornine (576 m), sy'n rhan o gadwyn fawr Dorsal Tiwnisia.

Yn yr wythdegau lleolwyd pencadlys y PLO yn Ben Arous, ar gyrion Hammam Lif.

Rhed y rheilffordd sy'n cysylltu Tiwnis a Sfax a thaleithiau de Tiwnisia trwy'r dalaith. Y brif ffordd yw'r GN1, traffordd fwyaf Tiwnisia.

Taleithiau Tiwnisia Baner Tiwnisia
Ariana | Béja | Ben Arous | Bizerte | Gabès | Gafsa | Jendouba | Kairouan | Kasserine | Kebili | El Kef | Mahdia | Manouba | Medenine | Monastir | Nabeul | Sfax | Sidi Bou Zid | Siliana | Sousse | Tataouine | Tozeur | Tiwnis | Zaghouan