Byd o Amser
Drama fuddugol cystadleuaeth Tlws Y Ddrama yn Eisteddfod Genedlaethol Cymru Bro Myrddin 1974 yw Byd o Amser gan y llenor Eigra Lewis Roberts.
 | |
| Awdur | Eigra Lewis Roberts |
|---|---|
| Cyhoeddwr | Gwasg Gomer |
| Gwlad | Cymru |
| Iaith | Cymraeg |
| Dyddiad cyhoeddi | 1976 |
| Pwnc | Ann Griffiths |
| Argaeledd | allan o brint |
| Genre | Dramâu Cymraeg |
Disgrifiad byr
golyguMae'r ddrama yn seiliedig ar hanes yr emynyddes Ann Griffiths o Ddolwar Fach. "Nid drama hanesyddol mo hon" yn ôl y dramodydd, "er bod ynddi amryw o ffeithiau a gydnabyddir yn gyffredinol fel rhai cywir."[1]
Aeth Eigra ymlaen i nodi mai "Ymgais sydd yma i gyflwyno portread dramatig o un y bu peth wmbreth o ddadlau a dyfalu yn ei chylch; un sy'n cael ei hadnabod fel emynyddes alluog ac yn cael ei chydnabod yn gyfrinydd ond a oedd, uwchlaw popeth arall, yn ferch nwydus a synhwyrus, a'i hoes fer yn un frwydr o geisio cadw cydbwysedd rhwng pethau Crist a phethau'r byd. Ann Thomas - yr athrylith unig na chafodd , mwy nag unrhyw broffwyd arall, ei deall na'i gwerthfawrogi yn ei lle na chan ei phobl ei hun."
Mae'r ddrama mewn pum rhan:
- Rhan 1 - Gwanwyn 1796
- Rhan 2 - Gwanwyn 1797
- Rhan 3 - Gwanwyn 1799
- Rhan 4 - Gwanwyn 1800
- Rhan 5 - Gwanwyn 1805
Daw teitl y ddrama o frawddeg glo llythyr yn llawysgrifen Ann ei hun i Elizabeth Evans, Bwlch Aeddan, cyfeilles iddi hi a chwaer i Ruth. "Hyn oddi wrth eich garedig chwaer sy'n cyflym deithio drwy FYD O AMSER i'r byd mawr a bery byth."[2]
Cyhoeddwyd y ddrama gan Gwasg Gomer ym 1976, blwyddyn ar ôl i Cwmni Theatr Cymru ei llwyfanu ym 1975.
Cymeriadau
golygu- Ann Thomas / Griffiths
- Thomas Evans - Y Curad
- John Hughes
- William - Y Porthmon
- Edward Owen - Y Tafarnwr
- Siôn Thomas - Brawd Ann
- Huw Morys
- Malan Huws
- Ruth Evans
- Llanc
Cynyrchiadau nodedig
golygu
Llwyfannwyd y ddrama am y tro cyntaf gan Cwmni Theatr Cymru yn Eisteddfod Genedlaethol Cymru Bro Dwyfor 1975 ac aed â hi ar daith wedi hynny. Cyfarwyddwr Nesta Harris; cast:[2]
- Ann Thomas / Griffiths - Lisabeth Miles
- Thomas Evans - Y Curad - Gwyn Parry
- John Hughes - Dyfan Roberts
- William - Y Porthmon - Stewart Jones
- Edward Owen - Y Tafarnwr - Grey Evans
- Siôn Thomas - Brawd Ann - Huw Tudor
- Huw Morys - Huw Ceredig
- Malan Huws - Sharon Morgan
- Ruth Evans - Menna Gwyn
- Llanc - Hugh Edwin