Dŵr Cymru
Cwmni nid-er-elw ydy Dŵr Cymru (Saesneg: Welsh Water), sy'n cyflenwi'r mwyafrif helaeth o ddŵr yfed a gwasanaethau dŵr gwastraff yng Nghymru, a hefyd i rannau o orllewin Lloegr. Mae'n cael ei reoleiddio dan Ddeddf Diwydiant Dŵr 1991 a addaswyd dan Ddeddf Dŵr 2014.[1]
 | |
Math o fusnes | Cwmni cyfyngedig |
|---|---|
| Diwydiant | Gwasanaeth Cyhoeddus |
| Sefydlwyd | 1989 |
| Pencadlys | Nelson, Caerffili |
Pobl allweddol | Chris Jones |
Gweithwyr | 3,000 |
| Rhiant-gwmni | Glas Cymru Ltd. |
| www.dwrcymru.com | |
- Mae Glas Cymru yn ailgyfeirio i'r dudalen hon.
Hanes golygu
Sefydlwyd Dŵr Cymru yn 1989 ar ôl i'r gwasanaethau dŵr yng ngwledydd Prydain gael eu preifateiddio. Heddiw mae'n eiddo Glas Cymru, 'cwmni cyfyngedig trwy warant' dielw a sefydlwyd yn unswydd er mwyn prynu a rhedeg Dŵr Cymru. Dydy Glas Cymru ddim yn rhedeg unrhyw gwmni na menter arall.[2]
Bu'r cwmni yn darged i brotestiadau yng Nghymru yn erbyn ei gynllun dadleuol i droi safle Brodordy Llan-faes ar Ynys Môn, lle claddwyd y Dywysoges Siwan yn 1237, yn waith carthffosiaeth. Gwrthododd Cadw gefnogi'r protestiadau a gweithredwyd y cynllun.
Ailenwyd y cwmni yn Hyder yn 1996 ar ôl iddo gymryd drosodd y cwmni trydan SWALEC (yn ne Cymru) a daeth yn gwmni dŵr a thrydan.
Fodd bynnag, in 1999/2000, oherwydd y dreth newydd ar elw cwmnïau iwtiliti ac adolygiad prisiau Ofwat yn 1999, aeth Hyder i drafferthion ariannol a arweiniodd iddo dorri i fyny ar ôl brwydr am ei feddiant. Prynodd Western Power Distribution gwmni Hyder ar y 15fed o Fedi 2000 er mwyn cael ei fusnes dosbarthu trydan, a gwerthwyd asedau eraill Hyder. Gwerthwyd Dŵr Cymru i Glas Cymru am £1, ond gyda £1.85 biliwn o ddyled Hyder hefyd.
Ardal golygu
Mae Dŵr Cymru yn cyflenwi dŵr i'r rhan fwyaf o Gymru ac eithrio ardal basn dŵr Afon Hafren yng ngogledd Powys, sy'n cael ei wasanaethu gan gwmni dŵr Hafren Dyfrdwy, un o isgwmniau Severn Trent. Dros Glawdd Offa mae Dŵr Cymru yn goruchwylio cyflenwi dŵr i rannau o Swydd Gaer ac ardal Cilgwri, a hefyd i rannau o Swydd Gaerloyw a Swydd Henffordd, yn enwedig Henffordd ei hun.
Gweler hefyd golygu
Cyfeiriadau golygu
- ↑ http://www.legislation.gov.uk/ukpga/2014/21/contents
- ↑ Perthynas Glas Cymru a Dŵr Cymru Archifwyd 2016-03-05 yn y Peiriant Wayback., ar wefan Dŵr Cymru.
Dolenni allanol golygu
- Gwefan Dŵr Cymru Archifwyd 2013-04-02 yn y Peiriant Wayback.