Leona Lewis
Mae Leona Louise Lewis (ganwyd 3 Ebrill 1985 yn Llundain, y Deyrnas Unedig) yn gantores bop/R&B ac yn gyfansoddwraig. Leona Lewis enillodd y drydedd gyfres o'r sioe dalentau ar deledu Prydeinig The X Factor yn 2006. Torrodd ei sengl gyntaf yn y DU, "A Moment Like This" record y byd ar ôl 50,000 copi o'r gân gael eu lawrlwytho o fewn hanner awr o gael ei rhyddhau.
| Leona Lewis | |
|---|---|
 | |
| Ganwyd | Leona Louise Lewis  3 Ebrill 1985 Islington |
| Label recordio | CBS Records, Syco Music |
| Dinasyddiaeth | y Deyrnas Unedig |
| Alma mater |
|
| Galwedigaeth | canwr, cyfansoddwr caneuon, actor, canwr-gyfansoddwr |
| Arddull | cerddoriaeth boblogaidd |
| Prif ddylanwad | Whitney Houston |
| Gwobr/au | The Record of the Year, OBE |
| Gwefan | http://leonalewismusic.com |
Ei hail sengl, "Bleeding Love", oedd y sengl a werthodd fwyaf o gopïau yn 2007 yng ngwledydd Prydain. Aeth i rif un mewn dros 30 o siartiau rhyngwladol gan gynnwys Canada, UDA, Mecsico, Awstralia,Seland Newydd, Iwerddon, Ffrainc a'r Almaen.
Rhyddhawyd ei halbwm gyntaf, Spirit, ledled Ewrop a daeth yr albwm i fod yr albwm a werthodd gyflymaf a fwyaf yn 2007.[1] Rhyddhawyd fersiwn gwahanol o Spirit yng Ngogledd America yn 2008, gan gyrraedd rhif un ar siart albwm y Billboard 200.[2] Lewis yw'r artist unigol Prydeinig cyntaf i gyrraedd y brig gydag albwm cyntaf. Hyd yn hyn, mae'r albwm wedi gwerthu 7 miliwn o gopïau yn fyd-eang ac wedi derbyn ardystiad platinwm 9× yn y Deyrnas Unedig.
Yn Nhachwedd 2008, torrodd Lewis record yn y DU am y gân lawr-lwythiad yn unig i werthu gyflymaf yn y DU. Gwerthodd ei fersiwn hi o "Run" gan Snow Patrol 69,244 o gopïau mewn deuddydd yn unig.[3]
Cyfeiriadau
golygu- ↑ "High Spirits". Chart-Track. 2007-11-16. Adalwyd 2008-07-24.
- ↑ Hasty, K (16 Ebrill 2008). "Leona Lewis Makes Big Splash Atop Billboard 200". Archifwyd 2008-06-24 yn y Peiriant Wayback Billboard. Adalwyd 16-04-2008.
- ↑ Jamieson, A (4 Rhagfyr 2008). "Leona Lewis single becomes fastest-selling digital release". Archifwyd 2008-12-27 yn y Peiriant Wayback The Daily Telegraph. Adalwyd 12-02-2009.