Nicholas Evans
Arlunydd Cymreig oedd Nicholas Evans (10 Ionawr 1907 – 5 Chwefror 2004) [1], yn fwyaf adnabyddus yn y byd celf fel Nick Evans. Roedd e'n beintiwr hunanddysgedig. Dylanwadwyd ei waith gan ei ddaliadau ysbrydol fel Pentecostiad.[2]
| Nicholas Evans | |
|---|---|
| Ganwyd | 10 Ionawr 1907  Aberdâr |
| Bu farw | 5 Chwefror 2004, 25 Chwefror 2004 Aber-nant |
| Dinasyddiaeth |  Cymru |
| Galwedigaeth | arlunydd |
Cafodd Evans ei eni yn Aberdâr, Rhondda Cynon Taf.[3] Cydnabuwyd dawn Evans mewn arlunio gan un o'i athrawon ysgol gynradd. Rhoddodd y gorau iddi ar ôl ychydig, fodd bynnag, am nad oedd e'n gallu fforddio prynu papur.[4] Dechreuodd weithio fel glöwr,[3] ond ni pharhaodd hyn ond am dair blynedd, yn dilyn marwolaeth ei dad yn 1923, a effeithiodd yn fawr ar Evans.[5] Roedd ei fam hefyd wedi gweithio yn y pyllau glo.[6]
Dychwelodd Evans i hobi ei blentyndod o arlunio yn ei chwedegau, ar ôl ymddeol. Arddangoswyd ei waith yn 1972.[3] Yn 1978, yn 71 oed, cynhaliodd arddangosfa unigol yn Oriel Caerdydd. Yn dilyn yr ymateb cadarnhaol arweiniodd hyn at arddangosfa arall, mewn oriel yn Mayfair Llundain.
Ceir ei luniau mewn sawl oriel gyhoeddus, gan gynnwys y Tate Modern ac Oriel Gelf Glynn Vivian Abertawe. Yn 1987 cydweithiodd gyda'i ferch, Rhoda, i gynhyrchu llyfr am ei gelfyddyd. [7]
Bu farw Evans yn 2004 yn 96 oed.[5]
Cyfeiriadau
golygu- ↑ Frances Spalding; Judith Collins, gol. (1990). 20th century painters and sculptors. Antique Collectors' Club. t. 161. ISBN 9781851491063.
- ↑ Steven Felix (2015). Pentecostal Aesthetics: Theological Reflections in a Pentecostal Philosophy of Art and Aesthetics (yn Saesneg). Brill. t. 85. ISBN 9789004291621.
- ↑ 3.0 3.1 3.2 Peter Wakelin (9 Chwefror 2004). "Nicholas Evans". The Guardian (yn Saesneg). Cyrchwyd 8 Awst 2022.
- ↑ Meic Stephens (9 Chwefror 2004). "Nicholas Evans". The Independent (yn Saesneg). Cyrchwyd 8 Awst 2022.
- ↑ 5.0 5.1 "Nicholas Evans - Pilgrim & Painter". BBC Wales - Radio Wales. 13 Mehefin 2010.
- ↑ Russell Davies (2015). People, Places and Passions: A Social History of Wales and the Welsh 18701948 Volume 1 (yn Saesneg). University of Wales Press. t. 151. ISBN 9781783162383.
- ↑ Symphonies in Black (1987) by Rhoda Evans. ISBN 978-0862431358