Raidió Fáilte
Mae Raidió Fáilte (ynganiad Gwyddeleg: [ˈɾˠadʲiːoː ˈfˠaːlʲtʲə]; sy'n golygu "Radio Croeso") yn orsaf radio gymunedol Wyddeleg, sy'n darlledu o ddinas Belffast, yng Ngogledd Iwerddon. Dechreuodd ddarlledu o dan ei drwydded bresennol ar 15 Medi 2006 ar ôl gweithredu fel gorsaf radio môr-leidr am beth amser cyn hynny.
| Raidió Fáilte | |
 | |
| Ardal Ddarlledu | Dinas a maestrefi Belffast |
|---|---|
| Dyddiad Cychwyn | 15 Medi 2006 |
| Tonfedd | FM: 107.1 |
| Pencadlys | 30 Sráid Dhubhaise/Divis St Belffast |
| Perchennog | |
| Webcast | https://onlineradiobox.com/uk/raidiofailte/ |
| Gwefan | https://raidiofailte.com/ |
| Fformat | Cymunedol: cerddoriaeth a siarad |
| Iaith | Gwyddeleg a pheth Saesneg |
Mae’r orsaf i’w chlywed ar 107.1 FM yn ardal Belfast, ac ar-lein trwy lif byw ar wefan yr orsaf. Mae’n cael ei darlledu 24 awr y dydd, saith diwrnod yr wythnos. Fe'i darlledwyd yn wreiddiol o ganolfan ddiwylliannol iaith Wyddeleg, Cultúrlann McAdam Ó Fiaich ar y Falls Road am nifer o flynyddoedd ac wedi hynny o Ganolfan Twin Spiers ar Northumberland Street oddi ar Falls Road, Belfast. Ym mis Hydref 2018 symudodd yr orsaf i adeilad newydd o'r radd flaenaf ar gyffordd Ffordd Falls a thraffordd Westlink.[1][2]
Hanes
golyguDechreuodd Raidió Fáilte ddarlledu’n rhan-amser o Cultúrlann McAdam Ó Fiaich yn y 1990au.
Ail-lansiwyd Raidió Fáilte yn Neuadd y Ddinas, Belfast ar 15 Medi 2006 pan gyflwynodd y Rheolwr Gorsaf, Fergus Ó hÍr, siaradwyr gwadd Ferdia Mac an Fhailigh, Prif Weithredwr Foras na Gaeilge, a Bob Collins, Comisiynydd y Comisiwn Cydraddoldeb. Cafodd neges wedi’i recordio gan Arlywydd Iwerddon Mary McAleese yn croesawu lansiad Raidió Fáilte ei chwarae ar ddechrau’r darlledu. Mae'r pencadlys yn "borth i Gaeltacht Belfast" neu'r "Cwarter Gaeltacht" fel mae'n cael ei galw gan rai. Mae'r adeilad yn cynnal digwyddiadau ac arddangosfeyss ac yn cynnwys caffe o'r enw An Lon Dubh ("y fwyalchen).[3]
Rhaglennu
golyguAnelir rhaglenni at y gymuned Wyddelig yn Belfast a'r ardal fetropolitan y bwrdeistrefi cyfagos. Cymysgedd o gerddoriaeth draddodiadol Wyddelig, indie, roc a cherddoriaeth y byd a gellir ei glywed, ynghyd â darllediadau materion cyfoes a chwaraeon a sgwrs. Mae rhaglenni arbennig yn ymwneud â gwasanaethau eglwysig Catholig a Phresbyteraidd trwy gyfrwng y Wyddeleg hefyd wedi cael eu darlledu.
Gweler hefyd
golygu- Raidió na Life - Gorsaf Wyddeleg gymunedol ar gyfer Dulyn
- Raidió Rí-Rá - gorsaf radio Wyddeleg i bobl ifanc
- RTÉ Raidió na Gaeltachta - gorsaf Wyddeleg genedlaethol
Dolenni
golygu- OGwefan swyddogol Raidió Fáilte
- Facebook Raidió Fáilte 107
- Twitter @raidiofailte
- eitem ar agoriad pencadlys newydd Raidio Failte, 2019 ar dudalen Youtune Sinn Féin (dwyieithog, Gwyddeleg a Saesneg)
Cyfeiriadau
golygu- ↑ "'NÍL FOIRGNEAMH RAIDIÓ NÍOS FEARR IN ÉIRINN' Raidió Fáilte ag craoladh ó stiúideo úrnua- NÓS". Cyrchwyd 6 October 2018.
- ↑ "Raidió Fáilte in 2018- Raidió na Life & Near FM podcast". Archifwyd o'r gwreiddiol ar 2021-12-21. Cyrchwyd 6 October 2018.Nodyn:Cbignore
- ↑ "Raidió Fáilte – An Lon Dubh". Visit Belast. Archifwyd o'r gwreiddiol ar 2022-05-26. Cyrchwyd 2022-05-29.
