Robin Huw Bowen

Robin Huw Bowen
Robin Huw Bowen
Ganwyd	1957 ; Lerpwl
Dinasyddiaeth	y Deyrnas Unedig
Alma mater	Prifysgol Aberystwyth ;
Galwedigaeth	telynor

Cerddor o Gymru sy’n arbenigo mewn canu’r delyn deires yw Robin Huw Bowen. Ganed ef yn Lerpwl i deulu o Ynys Môn .

Robin Huw Bowen yng Ngŵyl Tegeingl, 2012.

Dysgodd ganu’r Delyn Geltaidd yn yr ysgol dan ddylanwad Alan Stivell. Dechreuodd gymeryd diddordeb yn y Delyn deires trwy ddylanwad Dafydd a Gwyndaf Roberts o’r grŵp Ar Log, oedd wedi eu dysgu gan Nansi Richards. Ymunodd â grŵp Mabsant yn 1986 ac yn ddiweddarach a Cusan Tân. Ers 1998 mae wedi bod yn aelod o Crasdant. Yn 2004 ffurfiodd ef a phedwar telynor arall Rhes Ganol.

Bu’n gweithio yn Llyfrgell Genedlaethol Cymru yn Aberystwyth am flynyddoedd, a thra yno bu’n ymchwilio i hen gerddoriaeth telyn Gymreig. Cyhoeddwyd nifer o’r tonau hyn gan y Llyfrgell neu gan ei wasg ef ei hun, Gwasg Teires. Ymhlith ffynonellau eraill, cafodd wybodaeth gan y delynores Eldra Jarman, gor-wyres John Roberts ('Telynor Cymru'), cynrychiolydd olaf traddodiad y telynorion Sipsi Cymreig.

Dyfarnwyd Gwobr Glyndŵr iddo yn 2000 ac yn 2002 enillodd BAFTA (Cymru) am ei gerddoriaeth wreiddiol i'r ffilm Eldra.

Disgyddiaeth

Prif: Rhestr o ganeuon a recordiwyd gan Robin Huw Bowen

Teitl y gân	Blwyddyn cyhoeddi	Rhif Catalog
Pibddawns Gwyr Wrecsam Pibddawns Abertawe	2004	SAIN SCD 2397
Cogau Meirion	2007	Sain SCD2526
Helfar Draenog	2007	Sain SCD2526
Hoff Jigiau	2007	Sain SCD2526
Jig y Doethion	2007	Sain SCD2526
Jigiau Crasdant	2007	Sain SCD2526
Miniwets Meirionnydd	2007	Sain SCD2526