Rolando Panerai
Bariton o'r Eidal oedd Rolando Panerai (17 Hydref 1924 – 22 Hydref 2019), sy'n cael ei gysylltu'n arbennig gyda'r repertoire Eidaleg.[1]
| Rolando Panerai | |
|---|---|
 | |
| Ganwyd | 17 Hydref 1924  Campi Bisenzio |
| Bu farw | 22 Hydref 2019 Fflorens |
| Dinasyddiaeth |  Yr Eidal |
| Galwedigaeth | canwr opera |
| Arddull | opera |
| Math o lais | bariton |
Cefndir
golyguFe'i ganed yn Campi Bisenzio, ger Fflorens, yr Eidal, ac astudiodd gyda Frazzi yn Florens ac Armani a Giulia Tess ym Milan.[2]
Gyrfa
golyguGwnaeth Panerai ei ymddangosiad cyntaf ym 1947 yn Napoli yn y Teatro di San Carlo fel y Pharaon (Pharo) yn Mosè in Egitto (Moses yn yr Aifft) Rossini. Deuawd cyntaf arall y ddau ym 1951, oedd Simon Boccanegra yn Simon Boccanegra yn Bergamo ac fel Sharpless yn Madama Butterfly yn La Scala ym Milan. Canodd mewn llawer o operâu Verdi sydd ddim yn cael eu perfformio'n aml ar ddarllediad radio ar gyfer RAI ym 1951 (i goffáu 50 mlynedd ers marwolaeth Verdi), fel Giovanna d'Arco , La battaglia di Legnano, ac Aroldo. Roedd rolau diweddarach yn cynnwys y rhan fwyaf o'r rolau mawr i'r bariton gan Verdi, yn enwedig y cymeriad teitl yn Rigoletto, Iarll Luna yn Il trovatore, Giorgio Germont yn La traviata, Ardalydd Posa yn Don Carlos ac Amonasro yn Aida.[3]
Mae gan Panerai dros 150 o operâu yn ei repertoire, er ei fod yn fwyaf adnabyddus am rolau comig: Ford yn Falstaff (ei rôl llofnod), Gianni Schicchi, Figaro yn Le nozze di Figaro, Leporello yn Don Giovanni, a Guglielmo ac Alfonso yn Così fan tute; hefyd, Figaro yn Barbwr Sevilla, Belcore a Dulcamara yn Elisir d'amore, a Malatesta a rôl teitl Don Pasquale. Roedd yn un o brif ddehonglwyr yr opera gomig Gianni Schicchi gan Giacomo Puccini am flynyddoedd lawer, gan ganu'r rôl yn Genova mor ddiweddar â 2011, yn 87 mlwydd oed. Mae wedi canu yn y Paris Opera, yn y Staatsoper, Frankfurt ac yng Ngŵyl Glyndebourne.
Roedd Panerai yn aml yn gweithio mewn partneriaeth â Maria Callas a Giuseppe di Stefano, megis yn: Il trovatore, Cavalleria Rusticana, Pagliacci , Lucia di Lammermoor, I Puritani a La bohème. Recordiodd hefyd Sharpless nodedig ym Madama Butterfly, gyferbyn â Renata Scotto a Carlo Bergonzi, a Germont La Traviata, gyferbyn â Beverly Sills a Nicolai Gedda. Mae'n chwarae Ford mewn tri recordiad gwahanol o Falstaff Verdi gyda Tito Gobbi, Dietrich Fischer-Dieskau a Giuseppe Taddei (yr olaf ar fideo, dan arweiniad Herbert von Karajan) yn rôl y teitl. Bu ef hefyd yn recordio rôl y teitl yn Falstaff. Gellir ei glywed yn canu Wagner mewn cyfieithiad Eidalaidd: rôl Amfortas mewn perfformiad ar record o Parsifal gyda Maria Callas fel Kundry a Boris Christoff fel Gurnemanz. Gellir ei weld ar fideo fel Ford Falstaff, Figaro Barbwr Sevilla, Rigoletto yn Rigoletto Silvio yn Pagliacci, ac mewn Cyngerdd yn Noson Opera Bolshoi (DVD). Mae'n weithgar fel athro mewn dosbarthiadau meistr ac mae wedi cyfarwyddo teitlau fel The Apothecary Bell, Gianni Schicchi, La Traviata, La Bohème ac yn 2013 Rigoletto ac Il trovatore.[4]
Ffynonellau
golygu- Alain Pâris, Dictionnaire des interprètes et de l’interprétation musicale au XX siècle (2 vols), Éditions Robert Laffont (Bouquins, Paris 1982, 4th Edn. 1995, 5th Edn 2004). ISBN 2-221-06660-X
- D. Hamilton (ed.),The Metropolitan Opera Encyclopedia: A Complete Guide to the World of Opera (Simon and Schuster, New York 1987). ISBN 0-671-61732-X
- Roland Mancini and Jean-Jacques Rouveroux, (orig. H. Rosenthal and J. Warrack, French edition), Guide de l’opéra, Les indispensables de la musique (Fayard, 1995). ISBN 2-213-59567-4
- Rolando Panerai, simpatia e comunicativo, Elio Trovato, Ed. Azzali, 2009
- www.carlofelice.it
- www.luigiillica.it
Cyfeiriadau
golygu- ↑ Blyth, A. (2001, January 01). Panerai, Rolando. Grove Music Online Adalwyd 3 Mai 2019
- ↑ Opera Wire - Artist Profile: Baritone Rolando Panerai, A Prolific Interpreter Of Italian Opera adalwyd 3 mai 2019
- ↑ Bywgraffiad Paneri ar All Music Adalwyd 3 Mai 2019
- ↑ Recordiau Paneri ar Discgogs Adalwyd 3 Mai 2019