Sara Gregory

Actores o Gymraes yw Sara Lloyd-Gregory (ganwyd 19 Awst 1986), sydd hefyd yn cael ei adnabod fel Sara Gregory. Mae hi'n adnabyddus am nifer o rannau mewn dramâu Cymraeg ar S4C gan gynnwys Con Passionate, Blodau, Byw Celwydd a rhan blaenllaw yn y gyfres ddrama Alys ar S4C. Mae'n fwy hysbys i gynulleidfaoedd yng Ngogledd America am ei rôl fel Allison yn narllediad HBO o gyfres Sky1, Thorne: Sleepyhead.

Sara Gregory
Ganwyd	19 Awst 1986  Rhydaman
Dinasyddiaeth	y Deyrnas Unedig
Galwedigaeth	actor
Gwlad chwaraeon	Cymru

Bywyd cynnar

Fe'i ganwyd yn Rhydaman yn ferch i'r canwr a digrifwr Adrian Gregory. Fe astudiodd bale ers oedd yn dri mlwydd oedd a roedd ei bryd ar fynd i byd dawns. Aeth i Ysgol Gynradd Gymraeg Rhydaman ac Ysgol Gyfun Maes-yr-Yrfa. Ar ôl mynd i Goleg Gorseinon i astudio celfyddyd perfformio cymerodd fwy o ddiddordeb mewn drama. Aeth ymlaen i astudio yng Ngholeg Brenhinol Cerdd a Drama Cymru.

Gyrfa

Roedd ei ymddangosiad cyntaf yn 2003 yn Stopping Distance, ffilm am gang treisiol lle mae'n ymddangos fel merch yn ei harddegau o'r enw Melanie.

Yn 2004, ymddangosodd ar lwyfan, y tro hwn fel Julie Osman—merch yn ei arddegau gyda tad Mwslimaidd o Dwrci a gafodd ei lofruddio gyda cymhelliad hiliol—yn A Way Of Life.

Yn 2006, gwnaeth ymddangosiad mewn ffilm ddadleuol gan bortreadu rôl merch o'r enw Serena yn Little White Lies. Roedd y ffilm yn gomedi a oedd yn dangos hiliaeth a oedd, fel A Way of Life, wedi ei ffilmio yn Ne Cymru.

Yn ddiweddarach y flwyddyn honno, bu'n serennu yn y bennod Torchwood "Day One" fel merch ifanc o'r enw Carys Fletcher sy'n cael ei meddu gan fod arallfydol sy'n bwydo oddi ar ynni orgasmic.

Yn 2007, daeth yn un o gast rheolaidd y ddrama Belonging ar BBC Wales, yn chwarae Nadine Weaver.

Yn 2008, chwaraeodd y prif ran benywaidd mewn cynhyrchiad o Romeo and Juliet yn y Theatr Newydd, Caerdydd.

Yn 2011, serennodd fel Alys yn y gyfres deledu o'r un enw, Alys ar S4C. Dychwelodd yn yr ail gyfres a ddarlledwyd yn hwyr yn 2012. Ni bu sôn am unrhyw gyfresi pellach.

Yn 2013, enillodd Sara wobr Actores Gorau BAFTA Cymru am ei rhan fel Alys.

Ffilmyddiaeth

Ffilm

Blwyddyn	Teitl	Rhan	Cyfarwyddwyd gan
2003	Ffordd o Fyw	Julie Osman	Amma Asante
2006	Little White Lies	Serena	Caradog W. James
2008	Affinity	Madeleine	Tim Fywell
2010	S. N. U. B!	Anna	Jonathan Glendening
2010	Patagonia	Chica del Valle	Marc Evans
2013	Another Me	Wraig â babi	Isabel Coixet
2014	Get Up and Go	Ella	Brendan Grant

Teledu

Blwyddyn	Teitl	Rhan	Nodiadau
2003	Shopping Distance	Melanie	Ffilm deledu
2006	Torchwood	Carys Fletcher	Pennod— "Day One"
2007	Y Pris	Llio Edwards	4 pennod
2008	Belonging	Nadine	7 pennod
2008	Tess of the d'Urbervilles	Nancy Darch	Cyfres fer - pennod 1
2008	Con Passionate	Ellen Wynne	Cyfres ddrama S4C
2009	Doctors	Carmel Coates	Pennod — "Innocent"
2009	Blodau	Cat	Drama S4C
2009	Sleep with Me	Young Lelia	Ffilm deledu
2010	Being Human	Amy McBride	Pennod— "All God's Children"
2010	Thorne: Sleepyhead	Alison Willets	Penodau 1–3
2011	Bloody Nora	Amy	Ffilm deledu
2011–2012	Alys	Alys	Prif rhan 2 gyfres - 16 pennod Gwobr BAFTA Cymru am Actores Gorau (2013)
2013	Doctors	Olwyn Prytherch	Pennod — "The Liars of Letherbridge"
2013	Hinterland	Catrin John	Pennod un
2016	Byw Celwydd	Lowri Ogwen Jones	Cyfres ddrama S4C
2023	Yr Amgueddfa	Annette	Cyfres ddrama S4C
2024	Creisis	Janette	Cyfres ddrama S4C

Dolenni allanol

• Sara Gregory ar wefan Internet Movie Database
• Sara Gregory ar Twitter