Zeitschrift für celtische Philologie
Cyfnodolyn astudiaethau Celtaidd yw'r Zeitschrift für celtische Philologie (Almaeneg, yn golygu Cylchgrawn ieitheg Geltaidd), yr hynaf o'i fath yn y byd. Almaeneg a Saesneg yw prif gyfryngau'r erthyglau; yn achlysurol ceir erthyglau mewn Ffrangeg, Sbaeneg ac Eidaleg yn ogystal.
| Enghraifft o: | Cyfnodolyn academaidd  |
|---|---|
| Golygydd | Stefan Zimmer |
| Cyhoeddwr | Prifysgol Bonn |
| Iaith | Ffrangeg, Sbaeneg, Almaeneg, Saesneg, ieithoedd lluosog |
| Dechrau/Sefydlu | 1897 |
| Prif bwnc | Astudiaethau Celtaidd |
| Gwefan | http://www.zcp.uni-bonn.de, http://www.degruyter.com/view/j/zcph |
 Ffeiliau perthnasol ar Gomin Wicimedia | |
Sefydlwyd y Zeitschrift für celtische Philologie yn yr Almaen gan Kuno Meyer a Ludwig Christian Stern yn 1896. Am gyfnod fe'i ystyrid y pwysicaf o'r cyfnodolion astudiaethau Celtaidd ac mae ganddo le blaenllaw o hyd, yn enwedig ym maes ieitheg Geltaidd. O'r cychwyn mae pwyslais y cylchgrawn ar yr Hen Wyddeleg a'i llenyddiaeth a Chelteg y Cyfandir, ond ceir erthyglau ar yr iaith Gymraeg a'i llenyddiaeth a phynciau eraill hefyd. Mae nifer o ysgolheigion enwog wedi cyfrannu dros y blynyddoedd yn cynnwys rhai Cymry: cyhoeddwyd erthygl arloesol ar y gynghanedd gan John Morris-Jones ynddo yn 1913.
Rhedodd y gyfres gyntaf o 1896 hyd 1943. Dechreuodd yr ail gyfres yn 1954. Fe'i cyhoeddir erbyn heddiw gan Brifysgol Bonn.
Golygyddion
golyguMae'r rhestr o ysgolheigion a fu'n olygwyr y cylchgrawn yn cynnwys:
- Ludwig Christian Stern (hyd 1911)
- Kuno Meyer (hyd 1913)
- Julius Pokorny
- Rudolf Thurneysen
- Heinrich Wagner
Y golygyddion presennol[1] (2010) yw
- Y Dr Stefan Zimmer (Bonn)
- Y Dr Jürgen Uhlich (Coleg y Drindod, Dulyn)
- Y Dr Gisbert Hemprich (Bonn)
Cyfeiriadau
golygu- ↑ "ZCP". Archifwyd o'r gwreiddiol ar 2009-03-05. Cyrchwyd 2010-03-29.
Dolenni allanol
golygu- (Almaeneg)(Saesneg) Zeitschrift für celtische Philologie Archifwyd 2009-03-05 yn y Peiriant Wayback, gwefan swyddogol.