Barwniaeth Niwbwrch
Crëwyd Barwniaeth Niwbwrch ddwywaith ym Mhendefigaeth Iwerddon, mae'r ddau deitl yn dal i fodoli. Fe'i crëwyd y tro cyntaf 1716 ar gyfer George Cholmondeley, 2il Iarll Cholmondeley yn ddiweddarach. Mae'r Ieirll, ac yn ddiweddarach, yr Ardalyddion, o Cholmondeley yn dal i ddal y Barwniaeth o Niwbwrch, Ynys Môn (gweler Ardalyddiaeth Cholmondeley).
Crëwyd yr ail farwniaeth yn 1776 ar gyfer Syr Thomas Wynn, 3ydd Barwnig Bodfean. Cynrychiolodd ef Sir Gaernarfon, St Ives a Biwmares yn y Tŷ Cyffredin a gwasanaethodd fel Arglwydd Raglaw Sir Gaernarfon. Cynyrchiolodd ei fab hynaf, yr ail Farwn, Sir Gaernarfon yn y Senedd. Olynwyd ef gan ei frawd ieuengaf, y trydydd Barwn. Deilir y teitlau gan hen-hen-wyr y trydydd Barwn, sef yr wythfed Barwn ers 2006.
Crëwyd Barwnigaeth Bodfean ger Llanfwrog yn Sir Gaernarfon (Ynys Môn) ym Marwnigaeth Prydain Fawr ar 25 Hydref, 1742 ar gyfer hen-daid y Barwn cyntaf, Thomas Wynn. Cynrychiolodd Sir Gaernarfon yn y Tŷ Cyffredin a bu hefyd yn swyddog yn y llys. Cynrychiolodd ei fab, yr ail Farwnig Caernarfon a Sir Gaernarfon yn y Senedd. Olynwyd ef gan ei fab, y trydydd Barwnig, a gafodd ei wneud yn Farwn 1af Niwbwrch yn 1776.
Hyd 30 Mehefin 2006, nid yw deiliwr presennol y Barwniaeth wedi profi ei olyniad i'r farwnigaeth yn swyddogol ac felly, nid yw ar Gofrestr Swyddogol y Barwnigaeth. Mae hyn o dan arolygiad gan Gofrestrydd y Barwnigaeth.[1]
- Sir Thomas Wynn, Barwnig 1af (1677-1749)
- Sir John Wynn, 2il Farwnig (1701-1773)
- Sir Thomas Wynn, 3ydd Barwnig (1736-1807) (crewyd Barwniaeth Niwbwrch yn 1776)
- Thomas Wynn, Barwn 1af Niwbwrch (1736-1807)
- Thomas John Wynn, 2il Farwn Niwbwrch (1802-1832)
- Spencer Bulkeley Wynn, 3ydd Barwn Niwbwrch (1803-1888)
- William Charles Wynn, 4ydd Barwn Niwbwrch (1873-1916)
- Thomas John Wynn, 5ed Barwn Niwbwrch (1878-1957)
- Robert Vaughan Wynn, 6ed Barwn Niwbwrch (1877-1965)
- Robert Charles Michael Vaughan Wynn, 7fed Barwn Niwbwrch (1917-1998)
- Robert Vaughan Wynn, 8fed Barwn Niwbwrch (ganed 1949)
Dolenni allanol
golygu- Archifau Niwbwrch Archifwyd 2007-09-02 yn y Peiriant Wayback
Cyfeiriadau
golygu- ↑ Gweler y ddolen yma Archifwyd 2008-05-09 yn y Peiriant Wayback
- Kidd, Charles, Williamson, David (gol.). Debrett's Peerage and Baronetage (1990 rhifyn). New York: St Martin's Press, 1990.
- Tudalen Pendefigaeth Leigh Rayment Archifwyd 2007-08-26 yn y Peiriant Wayback