C.P.D. Celtic Cwmbrân

Cwmbran Celtic
Enw llawn	Cwmbran Celtic Football Club
Llysenwau	The Celts
Sefydlwyd	1925
Maes	Celtic Park, Cwmbran NP44 3YS; (sy'n dal: 400)
Cadeirydd	Scott Kinsella (gweithredol)
Rheolwr	Lee Challenger
Cynghrair	Cynghrair Cymru (Y De)
2023/24	9.
Gwefan	Hafan y clwb
Lliwiau Cartref	Lliwiau Oddi cartref

Clwb pêl-droed yw Cwmbrân Celtic FC. Mae wedi ei leoli yn nhref Cwmbrân,Torfaen yn yr hen sir Gwent. Mae Cwmbrân Celtic yn dîm gwahanol i glwb Tref Cwmbrân a fu'n chwarae yn Uwch Gynghrair Cymru yn yr 1990au.

Mae'r tîm cyntaf yn chware yng Adran Un Cynghrair Cymru (Y De) (Welsh League)^[1] a'r ail dîm yng nghynghrair ail dimau Cynghrair Cymru (Y De). Ceir hefyd tîm menywod sy'n chwarae yng Nghynghrair Menywod De Cymru, a thîm dros 45 oed sy'n chwarae yn Cynghrair Veterans Cymru.

Mae'r timau i gyd yn chwarae yn Celtic Park, Henllys Way, Cwmbrân, sydd drws nesa i Stadiwm Cwmbrân

Hanes

Ffurfiwyd y clwb yn 1925 fel CYMS (Catholic Young Men's Society)^[2] gan chwarae, i gychwyn yng Nghynhrair Casnewydd a'r Cylch ('Newport & District League') ac ennill teitl Adran 2 Rhan A yn 1925–26. Rhwng 1930 a 1939 chwaraeodd y clwb yng Nghynhrair Gwent. Wedi'r Ail Ryfel Byd aeth y clwb nôl i chwarae yng Nghynghrair Casnewydd a'r Cylch gan ennill y Brif Adran yn 1950–51.

Newid Enw

Yn yr 1960au cynnar newidiwyd enw'r clwb i Cwmbran Catholics ac yn 1972 newidiwyd yr enw eto i'r enw cyfredol, Cwmbran Celtic.

Maes Chwarae

Prynodd y clwb ei safle ar Oak Street, Hen Gwmbran yn 1979 a dyna bencadlys y clwb. Arferai maes chwarae'r clwb fod ar Cwmbran Park ond oherwydd trafferthion draenio'r tir symudwyd y maes chwarae i feysydd y tu allan i Stadiwm Cwmbrân sy'n cael eu rhannu gyda Chlwb Criced Cwmbrân. Symudodd y clwb criced, maes o law, i Gaerleon a rhoddwyd les ar y maes i Celtic.

Cyfredol

Mae Cwmbrân Celtic yn chwarae yn Adran Un Cynghrair Cymru. Dyma'r adran ar gyfer timau De Cymru sy'n bwydo fewn i Uwch Gynghrair Cymru, sef, prif adran system byramid Cymdeithas Bêl-droed Cymru.

Dyrchafwyd y clwb i Adran Tri Cynghrair Cymru, Y De (y Welsh League) yn 2004-05. Dilyn dyrchafiad, chwaraeodd y clwb yn Adran Un am y to cyntaf yn nhymor 2010-11.

Uchafbwyntiau

1972-73 - Ennill Cwpan Amatur Gwent, ac ail yn Prif Adran Gwent
1999-2000 - Ennill Cwpan Cynghrair Sir Gwent
2015-16 - Cyrraedd rown y chwarteri Cwpan Cymru o dan reolaeth Nicky Church. Rhediad orau'r vlwb yn y gystadleuaeth.

Dolenni

Gwefan Swyddogol Cwmbrân Celtic
Twitter @CwmbranCeltic1
Cynghrair Cymru (De) Archifwyd 2018-09-30 yn y Peiriant Wayback

Cyfeiriadau

↑ "copi archif". Archifwyd o'r gwreiddiol ar 2018-08-22. Cyrchwyd 2018-10-24.
↑ "copi archif". Archifwyd o'r gwreiddiol ar 2018-08-22. Cyrchwyd 2018-10-24.

Cynghrair Cymru (Y De), 2018-19
Cambrian a Clydach \| Celtic Cwmbrân \| Cwmaman \| Ffynnon Taf \| Goytre \| Goytre Unedig \| Gwndy \| Hwlffordd \| Lido Afan \| Llanilltyd Fawr \| Llansawel \| Pen-y-bont \| Tref Pontypridd \| Port Talbot \| Rhydaman \| Ton Pentre \|

[1] "copi archif". Archifwyd o'r gwreiddiol ar 2018-08-22. Cyrchwyd 2018-10-24.

[2] "copi archif". Archifwyd o'r gwreiddiol ar 2018-08-22. Cyrchwyd 2018-10-24.

[1]

[2]