Catrin Dafydd (llenores)

Llenores llawrydd a nofelydd Cymreig ydy Catrin Dafydd (ganwyd 1982), sy'n dod o Waelod-y-Garth ger Pontypridd ond bellach yn byw yng Nghaerdydd. Bu'n fyfyrwraig ym Mhrifysgol Aberystwyth a hi oedd Llywydd UMCA 2003–2004. Ei thad oedd yr awdur Dafydd Huws.

Catrin Dafydd
Catrin Dafydd yn Awst 2018
Ganwyd	1982  Caerdydd
Dinasyddiaeth	Cymru
Galwedigaeth	llenor
Tad	Dafydd Huws
llofnod

Am yr actores o'r un enw, gweler Catrin Dafydd (actores).

Gyrfa

Mae hi wedi cyhoeddi sawl nofel, gan gynnwys Gwales (2017) a Pili Pala (2006) yn Gymraeg a Random Deaths and Custard (2007) yn Saesneg; a bu hefyd yn olygydd y cylchgrawn Tu Chwith a Dim Lol. Yn ogystal â llenydda mae hi'n ddiwyd fel digrifwr gyda'i chymeriad dychmygol o'r Wladfa, Evita Morgan, yn gwneud ymddangosiadau aml ar S4C. Mae hi'n teithio Cymru fel storiwraig ac yn cynnal gweithdai llenyddol mewn ysgolion. Enillodd y Fedal Lenyddiaeth yn Eisteddfod yr Urdd, Caerdydd 2005. Roedd ymhlith y beirdd a sefydlodd nosweithiau annibynnol Bragdy'r Beirdd.

Yn ogystal â'i gyrfa llenyddol, mae hi hefyd yn ymgyrchydd iaith, bu ar un adeg yn Swyddog Ymgyrchu Deddf Iaith i Gymdeithas yr Iaith Gymraeg. Roedd yn chwarae piano i'r band Gilespi.

Enillodd y Goron yn Eisteddfod Genedlaethol Cymru Caerdydd 2018 gyda chyfres o gerddi ar y testun Olion.

Llenyddiaeth

• Pili Pala (Gwasg Gomer, 2006)
• Random Deaths and Custard (Gwasg Gomer, 2007)
• (gyda Sion White) Y Dyn Handi (Y Lolfa, 2008)
• Y Tiwniwr Piano (Gwasg Gomer, 2009)
• Cyfrinach Castell Coch (Canolfan Astudiaethau Addysg, 2009)
• Random Births and Love Hearts (Gwasg Gomer, 2015)
• Gwales (Y Lolfa, 2017)

Dolen allanol

• Gwefan Catrin Dafydd Archifwyd 2007-09-28 yn y Peiriant Wayback
• Catrin Dafydd ar Twitter