Clwb Rygbi Llanelli

Mae Clwb Rygbi Llanelli yn dîm Rygbi'r Undeb Cymreig a sefydlwyd yn 1872. Maent yn chwarae mewn coch a gwyn, a'u maes yw Parc y Scarlets, Llanelli. Cân Llanelli yw "Sosban Fach", cân sydd wedi dod yn gyfystyr a'r clwb bellach.

Clwb Rygbi Llanelli

Math	tîm rygbi'r undeb
Sefydlwyd	1872
Daearyddiaeth
Rhan o'r canlynol	Prifadran Cymru
Gwlad	Cymru
Cyfesurynnau	51.686944°N 4.175278°W

Hanes

Llanelli yn chwarae yn erbyn y Springboks, Parc y Strade, 26 Hydref 1951

Mae Llanelli bron bob amser wedi bod yn un o dimau clwb cryfaf Cymru. Eu hoes aur, mae'n debyg, oedd yn nechrau'r 1970au pan oedd Carwyn James yn hyfforddwr arnynt. Yn y cyfnod yma enillasant Gwpan Cymru bedair gwaith yn olynol rhwng 1973 a 1976, yn ogystal â churo tîm y Crysau Duon mewn gêm enwog yn 1972. Cafodd Llanelli fuddugoliaeth dros Awstralia yn 1967 a chawsant gêm gyfartal gyda hwy yn 1975.

Diweddar

Chwaraeodd y clwb ym Mhrifadran Cymru yn 2012/13. Maent yn bwydo i mewn i dîm Scarlets Llanelli sy'n chwarae yn y Gynghrair Geltaidd.

Cyn-chwaraewyr enwog

• Rhys Gabe
• Ivor Jones
• Watcyn Thomas
• R. H. Williams
• Elfed Lewis Jones
• Lewis Jones
• Delme Thomas
• Barry John
• Phil Bennett
• J. J. Williams
• Derek Quinnell
• Scott Quinnell
• Ray Gravell
• Ieuan Evans
• Robin McBryde

Cyfeiriadau

• Gareth Hughes (1983). One hundred years of Scarlet. Clwb Rygbi Llanelli. ISBN 0-95-091590-4

Dolenni allanol

• Clwb Rygbi Llanelli
• ScarletsLlanelli Archifwyd 2016-01-22 yn y Peiriant Wayback