Dafydd John Pritchard

Dafydd John Pritchard
Dafydd John Pritchard
Ganwyd	1965
Dinasyddiaeth	Cymru
Galwedigaeth	bardd

Bardd o Gymru yw Dafydd John Pritchard adnebir yn fwy cyffredin fel Dafydd Pritchard neu, wrth ei enw bedydd, David John Pritchard (ganwyd 1965). Mae'n brifardd ac Rheolwr Archif Sgrin a Sain Llyfrgell Genedlaethol Cymru wrth ei waith.^[1] Magwyd ef yn Nant Peris, Gwynedd.

Bywyd

Englyn gan Dafydd John Pritchard tu allan i'r Llyfrgell Genedlaethol, Aberystwyth

Derbyniodd ei addysg gynnar yn Ysgol Dolbadarn, Llanberis ac Ysgol Brynrefail, Llanrug, ac yna bu’n fyfyriwr yng Ngholeg y Drindod Caerfyrddin ac yna dilyn cwrs mewn Llyfrgellyddiaeth yn yr hen Goleg Llyfrgellyddiaeth ym Mhrifysgol Aberystwyth.^[2] Mae’n gweithio fel Archifydd Cynorthwyol yn Archif Genedlaethol Sgrin a Sain Cymru yn y Llyfrgell Genedlaethol. Mae’n aelod o dîm Talwrn y Beirdd, "Y Cŵps", a thîm ymryson Ceredigion. Mae'n byw yn Llanbadarn Fawr, Aberystwyth ac yn gynghorydd cymuned dros Blaid Cymru ar Cyngor Cymuned Llanbadarn Fawr. Mae'n Babydd gan gyfrannu i wasanaeth goffa i'r Sant John Roberts mewn gwasanaeth yn Llundain yn 2010.^[3]

Ei hoff gerddi, yn ôl sgwrs gydag Heledd Cynwal ar Radio Cymru yw:

Yr Afon - Gerallt Lloyd Owen
Difiau Dyrchafael - Saunders Lewis
Rhyddid - Emyr Lewis (bardd)

Diddordebau

Englyn gan Dafydd John Pritchard a choeden goffa tu allan i'r Llyfrgell Genedlaethol

Mae'n hoff o griced a bu'n chware i dîm Ysgolion Gwynedd gan chwarae yn yr un tîm â'r cricedwr proffesiynnol i Forgannwg, Matthew Maynard.^[2]

Yn 2024, roedd yn faswr yng Nghôr ABC.

Coroni

Enillodd Goron yn Eisteddfod Genedlaethol Cymru Bro Dinefwr 1996, ar y testun Olwynion gyda dilyniant o gerddi gan ddechrau gyda'r olwyn "cyntaf un" i ddatblygiad yr olwyn i fynd i'r gofod.^[2]

Bardd y Mis

Bu'n "Fardd y Mis" ar BBC Radio Cymru ar gyfer mis Mawrth 2015.^[4]

Llyfryddiaeth

Dim Ond Deud (Cyhoeddiadau Barddas, 2006)
Lôn Fain (Cyhoeddiadau Barddas, 2013)
deud llai (Cyhoeddiadau Barddas, 2024)

Cyfeiriadau

↑ https://www.barddas.cymru/llyfr/y-lon-fain-dafydd-john-pritchard/
↑ ^2.0 ^2.1 ^2.2 https://www.bbc.co.uk/sounds/play/p02mpg2w
↑ "copi archif". Archifwyd o'r gwreiddiol ar 2018-06-16. Cyrchwyd 2019-08-23.
↑ https://www.bbc.co.uk/programmes/articles/4BDwBscMt10B72H7ZKdsGct/dafydd-johnpritchard-bardd-mawrth-2015

Dolenni allanol

Llais tawel Dafydd Pritchard Adolygiad o 'Lôn Fain' gan Andrew Green ar blog Gwallter
Twitter @DafyddPritchar1

[barddas.cymru-1] ttps://www.barddas.cymru/llyfr/y-lon-fain-dafydd-john-pritchard/

[bbc.co.uk-2] 2.0 ^2.1 ^2.2 https://www.bbc.co.uk/sounds/play/p02mpg2w

[3] "copi archif". Archifwyd o'r gwreiddiol ar 2018-06-16. Cyrchwyd 2019-08-23.

[4] ttps://www.bbc.co.uk/programmes/articles/4BDwBscMt10B72H7ZKdsGct/dafydd-johnpritchard-bardd-mawrth-2015

[1]

[2]

[3]

[4]