Inigo Jones
Pensaer Seisnig o dras Gymreig oedd Inigo Jones (15 Gorffennaf 1573 – 21 Mehefin 1652). Ef sydd yn bennaf gyfrifol am gyflwyno'r arddull glasurol i bensaernïaeth yng ngwledydd Prydain.
| Inigo Jones | |
|---|---|
 Portread o Inigo Jones gan William Hogarth, ar ôl gwaith gan Antoon van Dyck | |
| Ganwyd | 15 Gorffennaf 1573  Llundain |
| Bu farw | 21 Mehefin 1652 Llundain |
| Dinasyddiaeth | Teyrnas Lloegr |
| Galwedigaeth | pensaer, gwleidydd, cynllunydd llwyfan |
| Swydd | Aelod Seneddol yn Senedd Lloegr, Member of the 1621-22 Parliament |
| Adnabyddus am | Eglwys Sant Paul, Queen's Chapel |
| Mudiad | pensaernïaeth y Dadeni |
Ganwyd Inigo Jones yn Smithfield, Llundain, yn fab i weithiwr brethyn Cymreig a oedd hefyd yn dwyn yr enw anghyffredin 'Inigo'. Ar daith i'r Eidal ym 1613 daeth yn ymwybodol o adeiladau Andrea Palladio yn y Veneto a'i ysgrifau ar bensaernïaeth. Bu'r rhain, ynghyd â gwaith yr awdur a phensaer Rhufeinig Vitruvius, yn ysbrydoliaeth mawr iddo. O 1615 hyd 1642 bu Inigo yn bensaer i'r llys brenhinol (Surveyor of the King's Works), yn gwasanaethu'r brenhinoedd Iago I a Siarl I. Yn y cyfnod yma cynlluniodd Tŷ'r Frenhines yn Greenwich, yr adeilad glasurol gyntaf yng ngwledydd Prydain, a'r Tŷ Gwledda ym Mhalas Whitehall. Hefyd, ef oedd y pensaer a gynlluniodd Covent Garden Piazza, y sgwâr ffurfiol cyntaf yn Llundain.
Claddwyd ef yn Uwcheglwys San Bened yn Ninas Llundain.
OrielGolygu
Gwledd-dy Whitehall
Tŷ'r Frenhines, Greenwich
Capel y Frenhines, Palas Sant Iago
Ffasâd ar gyfer hen Eglwys Gadeiriol Sant Paul
