Joan Ruddock
Mae'r Fonesig Joan Mary Ruddock, DBE (née. Anthony; geni 28 Rhagfyr 1943) yn wleidydd Plaid Lafur Prydeinig a wasanaethodd fel Aelod Seneddol (AS) dros Lewisham Deptford o 1987 i 2015. Roedd Ruddock yn Weinidog Gwladol dros Ynni yn yr Adran Ynni a Newid Hinsawdd tan 11 Mai 2010. Neilltuodd o'r Senedd ar adeg Etholiad Cyffredinol 2015.
| Joan Ruddock | |
|---|---|
 | |
| Ganwyd | 28 Rhagfyr 1943  Pont-y-pŵl |
| Dinasyddiaeth |  Cymru |
| Alma mater | |
| Galwedigaeth | gwleidydd |
| Swydd | aelod o Gyfrin Gyngor y Deyrnas Unedig, Aelod o Senedd 55 y Deyrnas Unedig, Aelod o 54ain Senedd y Deyrnas Unedig, Aelod o 53ain Senedd y Deyrnas Unedig, Aelod o 52ain Senedd y Deyrnas Unedig, Aelod o 51ain Senedd y Deyrnas Unedig, Aelod o 50fed Llywodraeth y DU, Dirprwy Aelod Cynulliad Seneddol Cyngor Ewrop |
| Plaid Wleidyddol | y Blaid Lafur |
| Priod | Frank Doran |
| Gwobr/au | Bonesig Cadlywydd Urdd yr Ymerodraeth Brydeinig |
| Gwefan | http://www.joanruddock.org/ |
Bywyd cynnar
golyguAddysgwyd Ruddock yn ysgol ramadeg y Merched Pont-y-pŵl ac yn Imperial College Llundain lle bu'n astudio Botaneg a Chemeg. Cyn iddi gael ei ethol i'r Senedd, roedd hi'n gadeirydd yr Ymgyrch Dros Ddiarfogi Niwclear (CND). Rhoddodd gorau i gadeirio CND ym 1985. [1]
Gyrfa Seneddol
golyguSafodd Ruddock fel ymgeisydd Llafur am sedd Geidwadol ddiogel Newbury ym 1979, gan ddod yn drydydd. Fe'i hetholwyd i Lewisham Deptford ym 1987, gan olynu John Silkin. Yn wreiddiol roedd hi'n aelod o'r Campaign Group grŵp o Aelodau Seneddol asgell chwith Llafur ond ymddiswyddodd ym 1988 mewn protestio yn erbyn penderfyniad Tony Benn i herio Neil Kinnock am yr arweinyddiaeth.
Yn ystod llywodraeth Tony Blair, gwasanaethodd am gyfnod byr fel y Gweinidog dros Fenywod. Dychwelodd i'r llywodraeth pan benododd Gordon Brown hi'n ei Is Ysgrifennydd Seneddol yn Adran yr Amgylchedd, Bwyd a Materion Gwledig ym mis Mehefin 2007 gyda chyfrifoldeb dros fioamrywiaeth, addasu ar gyfer newid hinsawdd, gwastraff a choedwigaeth ddomestig. Ym mis Hydref 2008 fe'i trosglwyddwyd i'r Adran Ynni a Newid Hinsawdd a oedd newydd ei chreu, gan barhau yn ei rôl flaenorol. Yn adrefnu Mehefin 2009, fe'i dyrchafwyd i lefel Gweinidog Gwladol, gyda chyfrifoldeb am bolisi ynni, gan gadw'r swydd hyd ddymchwel y Llywodraeth Lafur yn 2010.
Yn ystod ei hamser yn y senedd, roedd Ruddock yn gyfrifol am gyflwyno dau bil aelod preifat yn llwyddiannus ar dipio anghyfreithlon a sicrhau bod awdurdodau lleol yn darparu ailgylchu ar garreg y drws. [1]
Mae'n Gymrawd Anrhydeddus o Goleg Goldsmiths, Prifysgol Llundain, [2] yn Gymrawd Anrhydeddus o Gonservatoire Cerdd a Dawns Trinity Laban ac yn aelod o fwrdd llywodraethwyr Trinity Laban. [3]
Fe'i penodwyd yn aelod o'r Cyfrin Gyngor ar 9 Mehefin 2010. [4]Fe'i dyrchafwyd yn Fonesig yn Urdd yr Ymerodraeth Brydeinig (DBE) yn Anrhydeddau Blwyddyn Newydd 2012 am wasanaethau cyhoeddus a gwleidyddol. [5]
Bywyd preifat
golyguMae Ruddock wedi bod yn briod ddwywaith. Priododd ei gŵr cyntaf, yr Athro Keith Ruddock, ym 1963, [6]bu farw ef mewn damwain traffig ym 1996; roedd y cwpl wedi gwahanu rhai blynyddoedd ynghynt. [7] Ei ail briodas oedd [6] i'r gyn AS Llafur dros Ogledd Aberdeen, Frank Doran o 2010 hyd ei farwolaeth yn 2017.
Cyfeiriadau
golygu- ↑ 1.0 1.1 Ruddock, Joan. "Farewell speech, House of Commons 26 March 2015". Dame Joan Ruddock former MP for Lewisham Deptford. Joan Ruddock. Cyrchwyd 8 May 2015.
- ↑ Goldsmiths "Pairing politicians and scientists"; adalwyd 24 hydref 2018
- ↑ Trinity Laban Joan Ruddock profile Archifwyd 23 Rhagfyr 2012 yn archive.today, trinitylaban.ac.uk; accessed 31 hydref 2017.
- ↑ "Privy Council appointments". Privy Council. 9 June 2010. Archifwyd o'r gwreiddiol ar 2 December 2010. Cyrchwyd 26 July 2010. Unknown parameter
|deadurl=ignored (help) - ↑ London Gazette 31 Rhagfyr 2011 adalwyd 24 Hydref 2018
- ↑ 6.0 6.1 Who's Who, 2016 (A & C Black, London), p.2016
- ↑ "MP's husband killed". The Herald. Glasgow. 21 December 1996. Cyrchwyd 18 Medi 2015.
| Senedd y Deyrnas Unedig | ||
|---|---|---|
| Rhagflaenydd: John Silkin |
Aelod SeneddolLewisham Deptford 1987 – 2015 |
Olynydd: Vicky Foxcroft |