Stadiwm Ffordd Farrar
Stadiwm chwaraeon yn ninas Bangor, Gwynedd oedd Ffordd Farrar. Fe'i hagorwyd ym 1879 wedi i'r Arglwydd Penrhyn roi llecyn o dir i glwb criced y ddinas.[1] Roedd yn gartref i Glwb Pêl-droed Dinas Bangor am 91 o flynyddoedd cyn cael eid dymchwel yn 2012 er mwyn adeiladu archfarchnad.[2]
 | |
| Math | stadiwm  |
|---|---|
| Agoriad swyddogol | 1922 |
| Sefydlwyd |
|
| Daearyddiaeth | |
| Lleoliad | Bangor |
| Sir | Bangor |
| Gwlad | y Deyrnas Unedig |
| Cyfesurynnau | 53.2242°N 4.1314°W |
 | |
Golygfa o Ffordd Farrar | |
| Enw llawn | Stadiwm Ffordd Farrar |
|---|---|
| Lleoliad | Bangor, Gwynedd |
| Agorwyd | 1879 |
| Dymchwelwyd | 2011 |
| Tenantiaid | |
| Clwb Criced Bangor (1879-1929) C.P.D. Dinas Bangor (1920-2011) | |
Blynyddoedd cynnar
golyguCafodd y tir ger y British Hotel ei gyflwyno i Glwb Criced Bangor ym 1879 gan yr Arglwydd Penrhyn ond ar ôl gwaith atgyweirio i lefelu'r maes ym 1894-95, dechreuodd clwb hoci Prifysgol Bangor ddefnyddio'r maes tra bod clwb pêl-droed Bangor hefyd yn gwneud defnyddio o'r cae ar gyfer gemau yng Nghwpan Cymru gan fod eu maes arferol ym Maes y Dref yn rhy fychan.[1]
Roedd Maes y Dref wedi ei droi'n randdaliadau yn ystod y Rhyfel Byd Cyntaf felly ar ddiwedd y rhyfel symudodd Clwb Pêl-droed Dinas Bangor i Ffordd Farrar yn barhaol gan rannu'r maes efo'r clwb criced hyd nes 1929 pan symudodd y clwb criced i faes newydd yn Llandegai.[1][3]
Y Stadiwm
golyguYm 1930 prynnodd y clwb hen eisteddle Caernarvon Athletic am £80 wedi'r clwb o Gaernarfon fynd i'r wal a chafodd yr eisteddle newydd ei chodi ar ochr Ffordd Farrar y maes. Ym 1936 agorwyd eisteddle pren newydd ar ochr Ffordd Sackville y maes er cof am Arnold Dargie, cyn chwaraewr gyda Bangor, Lerpwl a thîm amatur Cymru. Arianwyd yr eisteddle gan Thomas Dargie, tad Arnold, oedd hefyd yn lywydd Cymdeithas Bêl-droed Arfordir Gogledd Cymru. Roedd Eisteddle Dargie yn cael ei ddefnyddio hyd nes dymchwel y maes yn 2012.[1]
Gemau cofiadwy
golyguCynhaliwyd rownd derfynol Cwpan Cymru rhwng Caerdydd a Bangor ar Ffordd Farrar ym 1927-28 gyda 12,000 o dorf yn dod i wylio'r Adar Gleision yn trechu'r tîm cartref 2-0[4] ac ym 1952-53 cynhaliwyd rownd derfynol Cwpan Cymru ar y maes, gêm welodd Y Rhyl yn curo Dinas Caer 2-1.[5]
Ym 1962, llwyddodd Bangor i drechu Napoli 2-0 yng Nghwpan Enillwyr Cwpanau Ewrop a dod y tîm cyntaf o Gymru i ennill yn un o gystadlaethau Uefa.[6] ac ym 1985, croesawyd Atlético Madrid i Ffordd Farrar yn yr un gystadleuaeth.[7]
Gêm olaf
golyguYm mis Ebrill 2011 rhoddodd Gyngor Gwynedd hawl cynllunio i gwmni Asda i ddymchwel y stadiwm a chodi archfarchnad newydd gan ganiatau Bangor i symud i stadiwm newydd yn Nantporth.[8] Chwaraewyd y gêm olaf ar Ffordd Farrar ar 27 Rhagfyr 2011 wrth i Fangor drechu Prestatyn 5-3 yn Uwch Gynghrair Cymru.[9]
Gweler hefyd
golyguCyfeiriadau
golygu- ↑ 1.0 1.1 1.2 1.3 "Highlights from the history of Bangor City's Farrar Road stadium". Bangor City FC Historical Blog. Unknown parameter
|published=ignored (help) - ↑ "Demolition begins at Bangor City FC's Farrar Road ground". Daily Post.
- ↑ "Bangor timeline". Bangor Civic Society. Archifwyd o'r gwreiddiol ar 2016-04-08. Cyrchwyd 2016-04-01.
- ↑ "1927-28 Cardiff City 2-0 Bangor City". Welsh Football Data Archive. Unknown parameter
|published=ignored (help) - ↑ "1952-53 Rhyl 2-1 Chester City". Welsh Football Data Archive. Unknown parameter
|published=ignored (help) - ↑ "Bangor City say farewell in style to Farrar Road ground". Unknown parameter
|published=ignored (help) - ↑ "Bangor City celebrate 30th anniversary of Atletico Madrid tie". Daily Post. Unknown parameter
|published=ignored (help) - ↑ "Bangor City's Farrar Road ground to be replaced by Asda". BBC Cymru. Unknown parameter
|published=ignored (help) - ↑ "Gwledd o Goliau yng Ngêm Olaf Ffordd Farrar". Golwg360. Unknown parameter
|published=ignored (help)