Ynys y Nadolig
Tiriogaeth fechan yn ne-ddwyrain Cefnfor India sy'n perthyn i Awstralia yw Ynys y Nadolig (Saesneg: Christmas Island). Mae'n gorwedd tua 2600 cilometr (1600 milltir) i'r gogledd-orllewin o ddinas Perth, Gorllewin Awstralia, 500 cilometr (300 milltir) i'r de o Jakarta, Indonesia, a 975 km i'r gogledd-ddwyrain o'r Ynysoedd Cocos (Ynysoedd Keeling). Er ei bod yng Nghefnfor India mae'n cael ei chyfrif fel rhan o Oceania oherwydd ei lleoliad daearegol.
| Arwyddair | Advance Australia Fair  |
|---|---|
| Math | external territory of Australia, endid tiriogaethol gweinyddol, ynys |
| Enwyd ar ôl | Nadolig |
| Prifddinas | Flying Fish Cove |
| Poblogaeth | 1,843 |
| Sefydlwyd |
|
| Anthem | Advance Australia Fair |
| Cylchfa amser | UTC+07:00, Indian/Christmas |
| Iaith/Ieithoedd swyddogol | Saesneg |
| Daearyddiaeth | |
| Rhan o'r canlynol | Indian Ocean islands |
| Sir | Awstralia |
| Gwlad |  Ynys y Nadolig |
| Arwynebedd | 135 km² |
| Uwch y môr | 234 metr |
| Gerllaw | Cefnfor India |
| Cyfesurynnau | 10.49°S 105.6275°E |
 | |
| Arian | Australian dollar |
Mae tua 1,600 o bobl yn byw ar Ynys y Nadolig, yn bennaf ar ben ogleddol yr ynys, mewn sawl "pentref" bychan: Flying Fish Cove (neu Kampong), Silver City, Poon Saan a Drumsite.
Mae gan yr ynys dirwedd unigryw sy'n ei gwneud o ddiddordeb mawr i wyddonwyr a naturiaethwyr oherwydd y nifer fawr o rywogaethau anifeiliaid a phlanhigion brodorol a geir yno. Fel fauna a flora Ynysoedd Galapagos, maent wedi esblygu ar wahân heb fawr ymyrraeth gan bobl.
Er bod mwyngloddio ar yr ynys ers degawdau mae 65% o'i 135 km sgwar (52 milltir sgwar) yn barc cenedlaethol a cheir sawl coedwig law hynafol a heb ei halogi gan weithgareddau dynol.
Dolenni allanolGolygu
- Gwefan llywodraeth yr ynys (Saesneg)
