Brad (ffilm)

Addasiad i'r sgrin fawr o ddrama lwyfan Saunders Lewis yw'r ffilm Brad o 1994. Ffilmiau'r Tŷ Gwyn oedd yn gyfrifol am ei chynhyrchu ar gyfer S4C, a hynny fel dilyniant i Sigaret? - addasiad ffilm o'r ddrama Gymerwch Chi Sigaret? yn 1991.

Brad

Cyfarwyddwr	Gareth Wynn Jones
Cynhyrchydd	Gareth Wynn Jones a Dafydd Huw Williams
Ysgrifennwr	Saunders Lewis
Addaswr	Harri Pritchard Jones
Sinematograffeg	Kevin Duncan
Sain	Mike Shoring
Dylunio	Medwyn Roberts
Cwmni cynhyrchu	Ffilmiau'r Tŷ Gwyn ac S4C
Gwlad	Cymru
Iaith	Cymraeg

Harri Pritchard Jones oedd yng ngofal yr addasiad oedd yn llawer ehangach na'r ddrama wreiddiol, a Gareth Wynn Jones oedd yn cyfarwyddo. Roedd y cast yn cynnwys J.O Roberts, Grey Evans, Robin Griffith, Lyndsay Evans, Dafydd Emyr, Mari Rowland Hughes, Noel Williams a Dyfan Roberts fel Adolf Hitler.

Y byncar yn y ffilm Brad, Ffilmiau'r Tŷ Gwyn 1993 (llun Paul Griffiths)

Noel Williams tra'n ffilmio Brad 1993 Ffilmiau'r Tŷ Gwyn (llun Paul Griffiths)

Cynhyrchu

Dyfan Roberts a J.O Roberts yn ffilmio Brad 1993 (llun Paul Griffiths)

Ffilmiwyd y golygefydd am gyfnod o 7 wythnos yn Mehefin / Gorffennaf 1993 mewn amrywiol leoliadau o Gaernarfon i Lerpwl. Yng Nghaernarfon, defnyddwyd Plasdai Glynllifon a'r Faenol, ac yn Lerpwl ffilmiwyd yng Ngwesty'r Adelphi, Neuadd St George's a Plasdy Croxteth. Camp fwyaf y cynllunydd Medwyn Roberts oedd ail-greu'r byncar lle ceisiwyd gosod y bom, i ladd Hitler. Wedi adeiladu'r adeilad o bren, bu'n rhaid defnyddio ffrwydro'n i chwalu'r cyfan, at ddibenion y stori.

Helen Tucker oedd yng ngofal y coluro a Gwenda Evans yng ngofal y gwisgoedd, a bu'n rhaid i'r ddwy ymchwilio'n fanwl gan fod y cyfan yn cyd-fynd efo digwyddiadau hanesyddol.

Cast a chriw

• Yr Iarlles Else von Dietlof - Mari Rowland Hughes
• Cyrnol Caisar von Hofacker - Cefin Roberts
• Y Cadfridog Heinrich von Stülpnagel - Dafydd Emyr
• Y Cadfridog Karl Albrecht - Robin Griffith
• Cyrnol Hans Otfried Linstow -
• Y Cad-farsial Gunther von Kluge - J.O Roberts
• Mrs Kluge - Valerie Wynne Williams
• Adolf Hitler - Dyfan Roberts
• Eva Braun - Catrin Fychan
• Beck - Noel Williams
• Yoland Williams
• Griff Williams
• Clarence Jones
• Madam y Puteindy - Myfanwy Talog
• Ifan Huw Dafydd
• Lyndsay Evans
• Rhys Richards

Cyfeiriadau

Eginyn erthygl sydd uchod am ffilm. Gallwch helpu Wicipedia drwy ychwanegu ato.