Llygoden
| Llygoden Gyffredin Amrediad amseryddol: Miosen hwyr - heddiw | |
|---|---|
| |
| Llygoden gyffredin, Mus musculus | |
| Dosbarthiad gwyddonol | |
| Teyrnas: | Animalia |
| Ffylwm: | Chordata |
| Dosbarth: | |
| Urdd: | cnofilod |
| Uwchdeulu: | Muroidea |
| Teulu: | Muridae |
| Is-deulu: | Murinae |
| Genws: | Mus Linnaeus, 1758 |
| Rhywogaeth | |
|
30 rhywogaeth | |
Mamal bychan yw llygoden (enw benywaidd; lluosog: llygod), sy'n perthyn i urdd y cnofilod, ac sy'n hawdd ei hadnabod oherwydd ei chynffon main, di-flew, pwt o drwyn a chlustiau crwm. Y mwyaf cyffredin yw'r Mus musculus a chaiff ei magu fel anifail dof (anifail anwes). Mewn rhai cynefinoedd mae llygoden y maes hefyd yn gyffredin iawn. Mae'n ysglyfaeth i rai adar mawr eu maint megis y cudyll, y dylluan a'r eryr a mamaliaid eraill megis y gath a'r neidr. Ar adegau maent yn dod i fewn i dai pobl a gallant lochesu oddi fewn i hen waliau.
Gallant ar adegau fod yn bla, gan fwyta a difetha cnyda'r amaethwr[1] gan achosi cryn golled a lledaenu afiechydon drwy'r parasitiaid sy'n byw arnynt a thrwy eu hysgarthiad.[2] Yng Ngogledd America, mae anadlu llwch sy'n cynnwys eu hysgarthiad wedi'i gysylltu gyda hantavirus, a all, yn ei dro, achosi Hantavirus Pulmonary Syndrome (HPS).
Anifail nosol ydynt yn bennaf sy'n dibynnu ar eu clyw yn hytrach na'u golwg.[3][4] Mae eu synnwyr arogli hefyd wedi'i fireinio'n arbennig iawn, yn enwedig er mwyn canfod bwyd a lleoli helwyr fel cathod.[5]
Mewn llenyddiaethGolygu
- Crogi llygoden: Yn nhrydedd gainc y Mabinogi (sef chwedl Manawydan fab Llŷr) mae Manawydan, brawd Branwen a Brân Fendigaid a Phryderi yn dychwelyd i Ddyfed, lle mae Pryderi yn cael ei gaethiwio mewn caer hud, ac yna mae Rhiannon hithau yn cael ei charcharu wrth geisio ei achub, gan adael dim ond Manawydan a Chigfa ar ôl. Ymhen dwy flynedd mae Manawydan yn dal un o'r llygod sydd wedi bod yn bwyta ei ŷd, ac yn mynd ati i'w chrogi. Daw ysgolhaig, offeiriad ac yna esgob heibio i geisio perswadio Manawydan i beidio crogi'r lygoden. Datgelir mai gwraig feichiog Llwyd fab Cil Coed yn rhith llygoden ydyw, ac mai Llwyd a osododd yr hud ar Ddyfed fel dial am y modd y cafodd ei gyfaill Gwawl fab Clud ei gamdrin gan Pwyll yn y gainc gyntaf. Rhyddheir ei wraig ar yr amod ei fod yn rhyddhau Pryderi a Rhiannon a chodi'r hud.
- 'Crogi Llygoden' - cân gan Geraint Jarman.[6]
- Ceir hen bennill enwog am ddwy lygoden:
- Mi welais ddwy lygoden
- Yn cario Pont Llangollen,
- Rownd-abowt o gylch y ddôl
- Ac yn eu hôl drachefen!
Rhywogaethau o “lygod” yng NghymruGolygu
”Llygod”
llygoden y coed Apodemus sylvaticus
_llygoden_y_coed_a_llygoden_bengron_goch.jpg)
llygoden gwar melyn Apodemus flavicollis
llygoden y tŷ Mus musculus
llygoden yr ŷd Micromys minutus
”Llygod mawr”
llygoden ffyrnig/Ffrengig/Norwy Rattus norvegicus
llygoden ddu Rattus rattus
Llygod pencrwn
llygoden bengron goch Clethrionomys glareolus
llygoden bengron y gwair Microtus agrestis
llygoden bengron y dŵr Arvicola terrestris’'
llygoden Sgomer Clethrionomys (glareolus) skomeriensis
Llygon (dim wir yn llygod o gwbl)
llyg cyffredin Sorex araneus
(y) llyg lleiaf Sorex minutus
llyg y dŵr Neomys fodiens
CyfeiriadauGolygu
- ↑ Meerburg BG, Singleton GR, Leirs H (2009). "The Year of the Rat ends: time to fight hunger!". Pest Manag Sci 65 (4): 351–2. doi:10.1002/tud.1718. PMID 19206089. http://www3.interscience.wiley.com/journal/121686000/abstract.
- ↑ Meerburg BG, Singleton GR, Kijlstra A (2009). "Rodent-borne diseases and their risks for public health". Crit Rev Microbiol 35 (3): 221–70. doi:10.1080/10408410902989837. PMID 19548807. http://www.informahealthcare.com/doi/pdf/10.1080/10408410902989837.
- ↑ Behney - Explorations of Deer-Mouse
- ↑ The Field Mouse
- ↑ The Humane society of the United States
- ↑ Gwefan Last FM; adalwyd 24/12/2012
Gweler hefydGolygu
Dolennau allanolGolygu
| Mae gan Wicirywogaeth wybodaeth sy'n berthnasol i: Mus |
- Fancy Mice: sut i gadw llygod dof
- Ymenydd y llygoden mewn lluniau
- Hanes y llygoden a geneteg diweddar
- Mouse Tracks: Adnabod olion y llygoden
