Pren ar y Bryn
Cyfres ddrama gomedi tywyll Cymreig
Drama gomedi tywyll yw Pren ar y Bryn. Crëwyd ac ysgrifennwyd y gyfres gan Ed Thomas ac fe'i cynhyrchwyd gan Fiction Factory, mewn cydweithrediad ag All3Media International a gyda buddsoddiad gan Cymru Greadigol. Mae'r prif gymeriadau yn cael eu chwarae gan Nia Roberts a Rhodri Meilir.[1]
| Pren ar y Bryn | |
|---|---|
| Adnabuwyd hefyd fel | Tree on a Hill |
| Genre | Drama |
| Serennu | Nia Roberts, Rhodri Meilir |
| Gwlad/gwladwriaeth | Cymru |
| Iaith/ieithoedd | Cymraeg, Saesneg |
| Nifer cyfresi | 1 |
| Nifer penodau | 6 (Rhestr Penodau) |
| Cynhyrchiad | |
| Amser rhedeg | 60 munud |
| Cwmnïau cynhyrchu |
Fiction Factory |
| Darllediad | |
| Sianel wreiddiol | S4C |
| Fformat llun | 1080i (16:9 HDTV) |
| Darllediad gwreiddiol | 19 Tachwedd 2023 |
| Dolenni allanol | |
| Proffil IMDb | |
Cychwynnodd y gwaith ffilmio yn gynnar yn 2023 ar leoliad yn Ystradgynlais ger Afon Tawe. Cafodd fersiwn Saesneg Tree on a Hill ei ffilmio gefn-wrth-gefn. Bydd y ddrama yn cael ei ddarlledu ar S4C, S4C Clic, BBC One ac iPlayer.
Mae 6 pennod yn y gyfres gyntaf. Fe'i darlledwyd yn y slot ddrama arferol am 9pm ar S4C.[2] Darlledwyd y fersiwn Saesneg Tree on a Hill ar BBC One Wales o 2 Ebrill 2024 ymlaen ac fe ryddhawyd y penodau i gyd ar iPlayer yr un diwrnod.[3]
Cast
golygu- Margaret - Nia Roberts
- Clive - Rhodri Meilir
- Sylvia - Hannah Daniel
- Glyn - Richard Harrington
- Herbie - Richard Lynch
- John Frederick - William Thomas
- Haydn - Rhodri Evan
- Sgt Ruth Ellis - Suzanne Packer
- Lefi - Steffan Cennydd
- Alex Rapado - Jacob Ifan
- Bronny - Lauren Morais
- Minnie Butch - Maria Pride
- Dai Chi - Russell Gomer
- Frank - Rhys Parry Jones
- Cassie - Toni Caroll
Penodau
golygu| # | Teitl | Cyfarwyddwr | Awdur | Darllediad cyntaf | Gwylwyr S4C [4] |
|---|---|---|---|---|---|
| 1 | "Pennod 1" | Ed Thomas | Ed Thomas | 19 Tachwedd 2023 | 20,000 |
| Mae newid ar y gorwel ym Mhenwyllt ac mae'r werin sy'n byw yno yn gwybod bod y dref roedden nhw'n ei charu unwaith ar fin diflannu o flaen eu llygaid. Neb yn fwy na Margaret a Clive, sy'n cael eu hysgwyd o'u bywydau normal i ganol dirgelwch mawr. | |||||
| 2 | "Pennod 2" | Ed Thomas | Ed Thomas | 26 Tachwedd 2023 | < 19,000 |
| Wrth i Glyn ddychwelyd yn annisgwyl i'r Mans, mae noson ramantus Margaret a Clive yn cymryd tro swreal a thywyll iawn. A fydd y cwpwl diniwed yma'n rhedeg neu'n aros i wynebu'r gwir? | |||||
| 3 | "Pennod 3" | Ed Thomas | Ed Thomas | 3 Rhagfyr 2023 | < 15,000 |
| Mae'r heddlu yn cael galwad i'r goedwig i ymchwilio lori Glyn sydd wedi ei losgi'n llwyr, ond does dim son o Glyn yn unman! Gyda phobl nawr yn dechrau gofyn cwestiynau, am ba mor hir bydd Margaret a Clive yn gallu cadw eu cyfrinach? | |||||
| 4 | "Pennod 4" | Ed Thomas | Ed Thomas | 10 Rhagfyr 2023 | < 13,000 |
| Gyda Glyn dal ar goll a Ruth Ellis ar y cês, mae'r craciau'n dechrau dangos. A ddaw'r gwir am Margaret a Clive i'r golwg? A beth am garwriaeth Herbie a Sylvia? A lle yn union mae'r cemegydd iasol Haydn Owen yn ffitio i mewn i hyn i gyd? | |||||
| 5 | "Pennod 5" | Ed Thomas | Ed Thomas | 17 Rhagfyr 2023 | < 13,000 |
| Mae'n ddigon anodd cuddio'r gwirionedd fel cwpwl, ond pan fydd tri o bobl yn gwybod y gwir mae'n anoddach fyth. Ydy gwaed yn dewach na dŵr? A all Sylvia fyth faddau i Margaret am yr hyn y mae hi wedi'i wneud? A all Clive faddau iddi am ei fradychu? | |||||
| 6 | "Pennod 6" | Ed Thomas | Ed Thomas | 24 Rhagfyr 2023 | < 16,000 |
| Mae trefn yn cael ei adfer gyda Clive yn ôl yn saff yn y gorlan - ond am ba mor hir? A wnaiff Margaret a Sylvia gytuno i helpu Clive rhoi claddedigaeth ddilys i Glyn fel yr addawodd e? Ac os y gwnânt, yna sut? A oes rhywun arall maent yn trysto i gamu i'r adwy? | |||||
Cyfeiriadau
golygu- ↑ Fiction Factory - Pren ar y Bryn. Fiction Factory (11 Mawrth 2023). Adalwyd ar 15 Tachwedd 2023.
- ↑ S4C A BBC Cymru Wales yn cyhoeddi drama gomedi dywyll newydd, Pren ar y Bryn/Tree on a Hill. S4C (15 Mawrth 2023). Adalwyd ar 11 Tachwedd 2023.
- ↑ "New offbeat crime drama series Tree on a Hill starts this April on BBC One Wales and BBC iPlayer". www.bbc.co.uk (yn Saesneg). Cyrchwyd 2024-03-26.
- ↑ Ffigyrau gan S4C. Gweler [1], Ffigyrau Gwylio S4C.
Dolenni allanol
golygu- (Saesneg) Pren ar y Bryn ar wefan Internet Movie Database
- Pren ar y Bryn ar y BBC iPlayer