Siroedd gweinyddol Lloegr

Roedd siroedd gweinyddol Lloegr yn ardaloedd a ddefnyddiwyd i weinyddu llywodraeth leol o dan reolaeth cynghorau sir etholedig. Fe'u crëwyd gan Ddeddf Llywodraeth Leol 1888 a buont yn gweithredu rhwng 1889 a 1974.

Cadwyd llawer o'r hen siroedd hanesyddol, ond rhannwyd sawl un yn ddau sir weinyddol neu fwy, pob un â'i gyngor sir ei hun.

Rhannwyd Swydd Gaergrawnt yn Swydd Gaergrawnt ac Ynys Ely (Adunwyd y rhain ym 1965 pan grëuwyd Swydd Gaergrawnt ac Ynys Ely.)
Rhannwyd Swydd Lincoln yn Parts of Holland, Parts of Kesteven a Parts of Linsey
Rhannwyd Swydd Northampton yn Swydd Northampton a Soke of Peterborough
Rhannwyd Suffolk yn Ddwyrain Suffolk a Gorllewin Suffolk
Rhannwyd Sussex yn Ddwyrain Sussex a Gorllewin Sussex
Rhannwyd Swydd Efrog yn Riding Dwyreiniol Swydd Efrog, Riding Gogleddol Swydd Efrog a Riding Gorllewinol Swydd Efrog
Rhannwyd Middlesex yn Middlesex a Sir Llundain (Adunwyd y rhain ym 1965 pan grëuwyd Llundain Fwyaf.)
(Wedyn, yn 1890) rhannwyd Hampshire yn Hampshire ac Ynys Wyth

Yn ogystal â'r siroedd gweinyddol, creodd Deddf Llywodraeth Leol 1888 59 o fwrdeistrefi sirol yn Lloegr a oedd yn rhedeg y dinasoedd a'r trefi mawr yn annibynnol ar y siroedd gweinyddol. Gyda threigl amser crëwyd 24 yn fwy o'r bwrdeistrefi hyn.

Diddymwyd y siroedd gweinyddol gan Ddeddf Llywodraeth Leol 1972 a chawsant eu disodli gan y system bresennol o siroedd metropolitan a siroedd an-fetropolitan.

Siroedd gweinyddol Lloegr

Y siroedd gweinyddol 1965–1974

Gweler hefyd