Winston Roddick
Bargyfreithiwr o Gymru yw George Winston Roddick, CB, QC (ganwyd 2 Hydref 1940),[1] a Chomisiynydd Heddlu a Throsedd cyntaf Heddlu Gogledd Cymru. Roedd yn aelod o'r Democratiaid Rhyddfrydol, ond rhedodd fel ymgeisydd annibynnol ac ymddiswyddodd o'r blaid wedi ei ethol.
| Winston Roddick CB QC | |
|---|---|
| Comisiynydd yr Heddlu a Throseddu ar gyfer Heddlu Gogledd Cymru | |
| Yn ei swydd 15 Tachwedd 2012 – 5 Mai 2016 | |
| Manylion personol | |
| Ganwyd | George Winston Roddick 2 Hydref 1940[1] Caernarfon[1] |
| Plaid wleidyddol | Annibynnol |
Bywyd cynnar
golyguGanwyd a magwyd Roddick yng Nghaernarfon,[1] a'i haddysgwyd yn Ysgol Forwrol Frenhinol Tal-Handaq, Malta ac Ysgol Ramadeg Syr Hugh Owen, Caernarfon.
Ar ôl hyfforddi a gweithio fel heddwas yn Lerpwl, aeth i wneud gradd yn y gyfraith yngNgholeg Prifysgol Llundain.
Gyrfa
golyguGyrfa gyfreithiol
golyguFe hyfforddodd fel bargyfreithiwr a fe'i galwyd i'r bar yn 1968.[2] Yn un o fargyfreithwyr mwyaf blaenllaw Cymru, derbyniodd sidan yn 1986 a daeth yn gofiadur Llys y Goron,[2] a daeth yn Gwnsel Cyffredinol Cymru rhwng 1998 a 2004, gan weithredu fel uwch ymgynghorydd ar yr holl faterion cyfreithiol perthnasol i bwerau'r Cynulliad Cenedlaethol. Penodwyd yn Arweinydd Cylchdaith Cymru a Chaer yn 2007. Daeth yn Gofiadur Anrhydeddus cyntaf Tref Frenhinol Caernarfon yn 2001.
Gyrfa wleidyddol
golyguSafodd Roddick ddwywaith yn etholiadau Seneddol dros y Blaid Ryddfrydol ond roedd yn aflwyddiannus: yn Ynys Môn yn Etholiad Cyffredinol y DU, 1970 UK , ac yn Ne Caerdydd a Phenarth yn 1983. Roedd yn gadeirydd Plaid Ryddfrydol Cymru yn y 1980au cynnar.[3]
Comisiynydd Heddlu a Throsedd
golyguYn Nhachwedd 2012, safodd fel ymgeisydd yn yr etholiad am Gomisiynydd Heddlu a Throsedd ar gyfer Heddlu Gogledd Cymru, gan guro Tal Michael o Lafur yn yr ail rownd.[4] Ar ôl yr etholiad, fe'i beirniadwyd am fod yn ymgeisydd annibynnol er ei fod yn aelod o'r Democratiaid Rhyddfrydol, gyda Phlaid Lafur Cymru yn ei gyhuddo o 'guddio' ei deyrngarwch am resymau gwleidyddol.[5] Cyhoeddodd yn Mawrth 2016 y byddai'n gadael ei swydd am resymau teuluol a na fyddai'n sefyll eto yn etholiadau'r Comisiynydd yn Mai 2016.[6]
Arall
golyguYn 1997, apwyntiwyd Roddick fel aelod o'r Independent Television Commission, a rhwng 2004 a 2012 roedd yn aelod o Awdurdod S4C.
Bywyd personol
golyguMae'n aelod o Gorsedd y Beirdd, noddwr Clwb Rygbi Caernarfon, Aelod Anrhydeddus am oes o Glwb Cefnogwyr o C.P.D. Tref Caernarfon Town, Llywydd Anrhydeddus GISDA (elusen ar gyfer pobl ifanc digartref yng Ngwynedd), ac Is Lywydd Côr Meibion Caernarfon.
Anrhydeddau
golyguMae Roddick yn Gydymaith Urdd y Baddon ac yn Gymrawd Anrhydeddus ym Mhrifysgol Aberystwyth
Cyfeiriadau
golygu- ↑ 1.0 1.1 1.2 1.3 "Winston Roddick". Debretts. Archifwyd o'r gwreiddiol ar 2013-07-28. Cyrchwyd 16 Tachwedd 2012.
- ↑ 2.0 2.1 "Winston Roddick". 9 Park Place. Archifwyd o'r gwreiddiol ar 2012-07-16. Cyrchwyd 16 Tachwedd 2012.
- ↑ The Times Guide to the House of Commons: June 1983, p.72
- ↑ "Winston Roddick elected as North Wales police and crime commissioner". BBC Wales. 16 Tachwedd 2012. Cyrchwyd 16 Tachwedd 2012.
- ↑ Bodden, Tom (20 Tachwedd 2012). "New Police Commissioner says he didn't try to hide Lib Dem membership". Daily Post. Cyrchwyd 21 Tachwedd 2012.
- ↑ Comisiynydd Heddlu i adael ei swydd. BBC Cymru Fyw (7 Mawrth 2016).
Dolenni allanol
golygu- Proffil broffesiynol Archifwyd 2012-07-16 yn y Peiriant Wayback
- Gwefan bersonol Archifwyd 2012-11-09 yn y Peiriant Wayback
- Bywgraffiad yn Debretts Archifwyd 2013-07-28 yn y Peiriant Wayback