Llyfr Taliesin
| Llyfr Taliesin | |
|---|---|
| Aberystwyth, LLGC, Peniarth LLY 2 | |
 ffacsimili, ffolio 13 | |
| Dyddiad | Hanner cyntaf y 14 ganrif |
| Iaith/Ieithoedd | Cymraeg |
| Maint | 38 ffolio |
| Cynnwys | Tua 60 cerdd Gymraeg |
Mae Llyfr Taliesin (Peniarth 2) ymhlith y cynharaf o lawysgrifau Cymraeg sydd wedi goroesi. Llawysgrif ar femrwn sy'n dyddio o hanner cyntaf y 14g ydyw ond sy'n cynnwys testunau sy'n hŷn o lawer.[1] Mae'r llawysgrif ar gadw yn Llyfrgell Genedlaethol Cymru, Aberystwyth, fel rhan o'r casgliad a enwir yn Llawysgrifau Peniarth. Tybir iddi gael ei ysgrifennu yn ne neu ganolbarth Cymru. Math o flodeugerdd o'r cerddi a briodolwyd i Daliesin ydyw.
Cynnwys
golyguCeir testunau Canu Taliesin, cerddi a ystyrir gan rai yn waith y bardd Taliesin (fl. ail hanner y 6g), yn y llawysgrif. Priodolir y cyfan o'r cerddi eraill yno i Daliesin hefyd. Mae nifer o'r rhain yn ymwneud â'r chwedl Hanes Taliesin. Ceir yn ogystal nifer o gerddi darogan, gan gynnwys Armes Prydain, cerddi i arwyr fel Cynan, Gwallog, Alecsander Fawr ac Ercwlff (Hercules), ynghyd â chyfres o gerddi crefyddol a Beiblaidd.
Llyfryddiaeth
golygu| Mae gan Wicidestun destun sy'n berthnasol i'r erthygl hon: |
- J. Gwenogvryn Evans (gol.), Facsimile and Text of the Book of Taliesin (1910). Argraffiad ffacsimile ardderchog.
- Ifor Williams (gol.), Canu Taliesin (Caerdydd, 1960). Gwaith y Taliesin hanesyddol.
Cyfeiriadau
golygu- ↑ Llyfrgell Genedlaethol Cymru, Llyfr Taliesin Archifwyd 2016-03-10 yn y Peiriant Wayback.