Michael Gustavius Payne

Michael Gustavius Payne
Michael Gustavius Payne
Ganwyd	25 Mehefin 1969 ; Merthyr Tudful
Dinasyddiaeth	Cymru
Alma mater	Prifysgol Morgannwg; University of Gloucestershire ;
Galwedigaeth	arlunydd
Gwefan	https://www.guspayne.com/

Arlunydd o Gymru yw Gustavius Payne (ganwyd Michael Gustavius Payne, 25 Mehefin 1969), sy'n defnyddio symboliaeth celf y gorllewin a mytholeg, ynghyd â phethau cyfoes, i greu paentiadau (paent olew fel rheol) o naws swreal.

Bywgraffiad

Ganwyd Payne ym Merthyr Tudful ac fe'i magwyd ar ystad Y Gurnos. Mynychodd Ganolfan Celf Dylunio a Thechnoleg Morgannwg Ganol ym Mhontypridd (rhan o Brifysgol Morgannwg erbyn hyn) rhwng 1991 ac 1993, lle enillodd wobr Myfyriwr y Flwyddyn yn yr Eisteddfod Genedlaethol 1993. Yn dilyn hyn fe gynhwysodd rhaglen celf y BBC, The Slate, erthygl amdano yn ei rhaglen Eisteddfod Special yn 1993. Aeth ymlaen i atudio yng Ngholeg Addysg Uwch Cheltenham a Chaerloyw (Prifysgol Swydd Gaerloyw erbyn hyn) hyd 1996, gan ennill gradd Baglor y Celfyddydau dosbarth cyntaf ym maes celfyddyd gain a phaentio. Yn ystod ei gyfnod yn Cheltenham, enillodd Payne le ar raglen ERASMUS a alluogodd ef i ymweld a nifer o safleoedd hynafol mytholegol a hanesyddol yng Ngwlad Groeg fel myfyriwr cyfnewid yn Ysgol Celfyddyd Gain Athen. Enillodd wobr "Art Purchase" y Cheltenham & Gloucester Building Society ym 1996, cyn dychwelyd i Gymru. Symudodd i Gaerdydd i ddechrau, cyn mynd i fyw i Ddowlais ym 1999.

Cydweithiodd Payne yn 2011 - 2012 gyda'r bardd a'r awdur Mike Jenkins ar gyfres o arddangosfeydd ledled Cymru dan y teitl "Dim Gobaith Caneri", gan ddefnyddio idiomau Cymraeg fel ysbrydoliaeth (Cefnogwyd gan Cyngor Celfyddydau Cymru).^[1]^[2]

Mae'n aelod o'r Grŵp Cymreig ers Ebrill 2013.^[3]

Arddangosfeydd

1996 Crows Having Fun, Raw Gallery, Tower Bridge, Llundain
1997 Princeton International Art Exhibition', Palmer Square, New Jersey, Unol Daleithiau America
2001 Dreams, Fairy Tales, Myths & Nightmares, Washington Gallery, Penarth
2002 Contemporary Welsh Art, Beatrice Royal Gallery, Hampshire, Lloegr
2004 Nature or Nurture, West Wales Arts Centre, Abergwaun
2006 Stories without Narrative, Parc Treftadiaeth Rhondda
2007 Museum of Modern Art Cymru Machynlleth.
2008 A Bloke Called Hero, Canolfan Dylan Thomas, Abertawe
2008 Galeri, Betws-y-coed (gyda Meri Wells a Maria Hayes)
2011 - 2012 Dim Gobaith Caneri (Mae arddangosfa ar y cyd â’r bardd a’r awdur Mike Jenkins), Castell Cyfarthfa, Y Tabernacl (MoMA Cymru), Oriel Washington a West Wales Arts Centre.
2012 Celfwaith Newydd, Ffin-y-Parc, Llanrwst, Conwy (sir)

Cyhoeddiad

Gustavius Payne: Celfwaith 2007-2012^{[dolen farw]}

Ffynonellau

Ellis, Geraint (Cynhyrchydd) (2008), Sioe Gelf, rhaglen 14, Cwmni Da, 05/11/08 ar S4C.
Payne, MG (2008), 'Looking For A Hero', Welsh Art Now, Rhifyn 1, tud. 32 - 35.
Jones, Huw David (2008), Myths, Folklore & Fairytale explores hopes, truths and desires, Metro.co.uk, (7.8.08).

Dolenni allanol

Gwefan yr arlunydd
(Saesneg) Bas-data Axis
Sioe Gelf Archifwyd 2011-07-17 yn y Peiriant Wayback
Golwg 360

[1] ttp://www.golwg360.com/archif/28728-dim-gobaith-caneri-ac-idiomau-eraill

[2] ttp://www.walesonline.co.uk/showbiz-and-lifestyle/showbiz/2011/08/19/a-mine-of-information-91466-29266079/

[3] ttp://www.thewelshgroup-art.com/#!gustavius-payne/c8hq

[1]

[2]

[3]

Michael Gustavius Payne

Ganwyd	25 Mehefin 1969 Merthyr Tudful
Dinasyddiaeth	Cymru
Alma mater	Prifysgol Morgannwg University of Gloucestershire
Galwedigaeth	arlunydd
Gwefan	https://www.guspayne.com/