Agor y brif ddewislen

Gwleidydd Seisnig a fu'n Brif Weinidog y Deyrnas Unedig o 1937 hyd 1940 oedd Arthur Neville Chamberlain (18 Mawrth 18699 Tachwedd 1940). Roedd yn aelod o'r Blaid Geidwadol. Mae'n fwyaf adnabyddus am ei ran yng Nghynhadledd München.

Neville Chamberlain

Cyfnod yn y swydd
28 Mai 1937 – 10 Mai 1940
Rhagflaenydd Stanley Baldwin
Olynydd Winston Churchill

Geni 18 Mawrth 1869(1869-03-18)
Edgbaston, Birmingham
Marw 9 Tachwedd 1940(1940-11-09) (71 oed)
Heckfield, Hampshire
Plaid wleidyddol Ceidwadol

BywgraffiadGolygu

Ganed ef yn ninas Birmingham, yn fab i Joseph Chamberlain, maer y ddinas, ac yn frawd Austen Chamberlain. Bu farw ei fam pan oedd yn 6 oed. Dechreuodd ei yrfa wleidyddol yn 42 oed, pan etholwyd ef i gyngor Birmingham. Saith mlynedd yn ddiweddarach, etholwyd ef yn Aelod Seneddol. Daeth yn Weinidog Iechyd yn 1923, ac yn Ganghellor y Trysorlys yn 1929. Ar 28 Mai 1937 daeth yn Brif Weinidog.

Yn 1938, hawliodd Adolf Hitler, Canghellor yr Almaen, diriogaeth y Sudetenland oddi ar Tsiecoslofacia. Cyfarfu Chamberlain a Raymond Daladier, prif weinidog Ffrainc, â Hitler a'i gyngheiriad Benito Mussolini yn München. Gwnaed cytundeb i roi'r Sudetenland i Hitler, gan osgoi rhyfel am y tro. Ymddiswyddodd Chamberlain ar 10 Mai 1940, pan ymosododd yr Almaen ar Wlad Belg a Ffrainc. Olynwyd ef gan Winston Churchill. Bu farw o gancr chwe mis yn ddiweddarach.

CyfeiriadauGolygu